Мөрдөгч, цагдаа, тагнуулын агентууд ийм тоглоомны хамгийн алдартай дүрүүд биз дээ, тийм үү? Тиймээс төгөлдөр хуурчын дүр нэг л өөр байгаад ямар нэг шинэ юм байгаа гэсэн сэтгэгдэл төрүүлсэн. Харамсалтай нь бидний найдвар шороонд булагдаж, өнөөх гайхалтай дүр нь зөвхөн нэр төдий л хэрэг болж, яг л бас нэг мөрдөгчийн гэмт хэрэгтнийг хөөж байгаа сэдэв болж хувирлаа.

Үнэн хэрэгтээ Silent Nights: The Pianist яг л олон нууцууд, тааврууд, жижиг тоглоомоор дүүрэн нууцлаг обьектийн ердийн тоглоомтой адил юм байна. Илэн далангүй хэлэхэд учир битүүлэг таавар нь л энэ бүтээлийн хамгийн шилдэг хэсэг. Сонгодог зарчмуудыг ашиглан тоглоомын зохиогчид зарим нэг тааврыг хангалттай толгой эргүүлэм болгож, зарим нь жижиг тоглоомыг нь шинэчилжээ. Нууцлаг обьектийн төрөл нь сайн хийгдсэн ч бүдэгхэн графикаасаа болоод зарим энэ төрлийн тоглоомын фэнүүдийн сэтгэлийг нь гутрааж мэдэх аж. Таавруудын төгсгөлд харин ер бусын динамик төгсгөл нь биднийг бишрүүлж орхив. Хэдийгээр нууцлаг обьектийн төрлийн тоглоомд ховорхон эрсдэлтэй хийгддэг ч энэ тоглоомын эцсийн хэдэн минут нь зарим нэгнийг нэлээд их сандралд оруулаад авах юм байна.

Урьд нь товчхон дурьдсан шиг график дизайн нь ийм төрлийн тоглоомд дэндүү болхи байна. Мэдээж хэрэг эрвээхэй, цэцэгс зэргээс нь болоод уйлахгүй ч ийм гарчигтай тоглоомд дэндүү харанхуй хийчихжээ. Суурь хөгжим нь гайгүй зүгээр санагдсан. Ямар ч байсан аймшгийн уур амьсгал хангалттай бүрдүүлэхгүй санагдсан.

Төгсгөлд нь хэлэхэд өөрийн ер бусын таавруудаасаа болоод Silent Nights: The Pianist тоглоом ямар ч байсан тоглоход зугаатай л болсон байна. Хэдийгээр ямар нэг шинэ санаачлагатай зүйлсийг бидэнд харуулж чадаагүй ч жирийн мөрдөгчийн түүхтэй адилхан л тоглох боломжтой. Хэрвээ энэ доошоо татсан зүйлсийг нь тоохгүй бол ур ухаан сорьсон таавруудаар өөрийгөө сориод үзэхэд гэмгүй.