Түүхийн өрнөл хэсгээс нь эхлэхэд энэ тоглоом бусадтай ялгаагүй харагдаж байгаа боловч бидний урьд нь үзэж байснаас хамгийн шилдэг цас болон хүйтний орчныг бүтээж чаджээ. Цасаар хучигдсан тосгон нь яг л гайхалтай хөлдөөсөн бялуу мэт харагдана. Иймэрхүү сайн дүрслэлтэй үзэгдлүүд их олон байна. Бүтээгчид ийм ер бусын орчин, гайхалтай нууцлаг обьектийн үзэгдлийг бүтээхийн тулд хамаг ур ухаанаа дайчилсан нь мэдээж хэрэг. Хэдий тоглоом нь сул байсан ч ийм сайн графиктай байна гэдэг олон тоглогчдын сэтгэлийг татахад хангалттай гэж үзэж болох юм.

Харин авхаалж самбаа, ур ухаанаа сорих гэж буй хүмүүст бол Living Legends: Ice Rose маш амархан, ийм төрлийн бусад бүтээлтэй ялгаагүй учир урмыг нь хугалж магадгүй. Толгой өвтгөх шаардлагагүй таавар, давталт зэргээс уйдахгүй бол дунд зэргийн тоглогчид энэ чадварлаг бүтээлд сэтгэл хангалуун байх боломжтой. Дүр, орчин нь бага зэрэг улиг болоод зогсохгүй тааврууд нь урьд нь зуун удаа давтаад үзчихсэн юм шиг л санагдана. Энэ бол үнэхээр үзэсгэлтэй боловч толгой өвтгөн бодох шаардлагагүй энгийн тоглоом бөгөөд таавар шийдвэрлэх үндсэн чадвар л байхад хангалттай.   

Энэ энгийн тоглоомын өрнөлөөс гадна Living Legends: Ice Rose тоглоом гоё үзэгдлүүдээсээ болоод тоглоход их урамтай. Үнэндээ энэ тоглоомыг шүүмжлэх их олон шалтгаан байгаа ч жирийн таавар, ур ухаан шаардаагүй байдал зэрэг нь тоглоомоос хойш татаж чадахгүй. Энэ удаа бид гоочлохоос татгалзлаа. Яагаад гэвэл цас шиг цагаан үзэгдлүүдийг бид мэдрэх шаардлагатай болно.

Харамсалтай нь энэ бүтээл өвлийн амралтын дараа л гарна гэж байна. Хэрэв Living Legends: Ice Rose тоглоом арай эртхэн гарах юм бол илүү олон тоглогчдын сонирхол татаж болох юм.