Хэрэв та үнэгүй хувилбарыг нь татан авсан юмуу эсвэл бүтэн хувилбарыг нь худалдан авсан бол таны хамгийн түрүүнд сэтгэлд чинь хүрэх зүйл нь тоглоомын өрнөл байх болно. Тэгэхлээр энэ нэг гарын тоглогч бүхий нууцлаг обьект, адал явдал, тааврын төрлийн хольц тоглоом “Where Angels Cry”-н түүх нь иймэрхүү байдлаар өрнөнө: Альпын нурууны хамгийн өндөр цэгт байрлах алс холын эртний сүмд нэгэн сонин зүйл тохиолдоно. Лам болоод тахилч нар нь учир битүүлгээр, ор сураггүй алга болж байгаа бөгөөд сүмийн харанхуй коридороор нэгэн сонин хүн байнга гүйж харагдах бөгөөд бүр тосгоны төвд байгаа хуучин хөшөө цусаар уйлсан явдлыг хүртэл дурьдсан байна! Катиканы сүмийн кардинал лам таньд нууцаар энэ сүмд очих даалгавар өгөх бөгөөд энэ сонин үйл явдалын ард байгаа нууцыг мэдэхийг даалгана. Таны даалгавар бол сүм болон тэнд даянчлан суух лам нарт тохиолдсон аймшигт нууцыг илрүүлэх бөгөөд сүмийг мэдэлдээ авсан харанхуйн хүчтэй байлдан ялж, урьд нь байсан амар тайвныг нь буцаан сэргээнэ. Сонирхолтой түүх байгаа биз, яахын аргагүй! Харамсалтай нь энэхүү өрнөлд нь байгаа энэ сонирхолтой зүйл л тоглоомын цөөхөн сайн зүйлсийнх нь нэг болж байх шиг байна.

Хэрэв та тоглоомыг татан авч, суулгах юм бол тоглоомын явцад нэг их сэтгэл чинь ханахгүй. Хэдийгээр нууцлаг обьектийн тоглоом гэж нэрлэгдэж байгаа боловч ихэнхдээ таавар болон адал явдлын төрөл рүү хазайсан байна. Сонгодог нууцлаг обьектийн үзэгдэл байхгүй бөгөөд олон тооны энгийн таавраас бүрдсэн мини-тоглоом нь таныг залхаахгүй бөгөөд тэднийг шийдвэрлэхэд нэг их толгойны өвчин болохгүй. Тоглоом нь өөрөө амархан биш, заримдаа дэндүү уйтгартай болж, заримыг нь алгасах хүсэл төрж мэдэх юм. “Where Angels Cry” нь маш богинохон тоглоом ба ихэнх тоглогчдыг сэтгэл хангалуун байлгахгүй байж магадгүй ч туршлагатай тоглогчид бол өөр байж болох юм. Гурван төрлийн бэрхшээлийн хувилбар байгаа бөгөөд тусламжын товчлуур, газрын зураг, журнал зэрэг нь тоглоомыг тоглох хүсэл төрүүлэхгүй нь харамсалтай.

Бас нэг урам хугарах онцлг нь график. Бусад ийм төрлийн тоглоомыг харахад дундаж, дунджаас дээгүүр графиктай байдаг бол энэ тоглоом харин дэндүү хуучирсан, нүдэнд халгаатай байдлаар хийгджээ. Дэндүү олон 3D обьект байх бөгөөд тэднийг зүгээр л хуулаад олноор нь тавьчихсан юм шиг ямар ч шалтгаангүй газар хүртэл байрлах юм. Эхний тав арван минут тоглож үзэхэд зургын хөдөлгөөн ерөөсөө байхгүй байна. Танилцуулгын үзэгдэл нь яах аргагүй сайн болсоныг хүлээн зөвшөөрөх ёстой ч бусад хагас үзэгдлүүд нь дэндүү удаан, сонирхолтой биш байна. Дүрийн загвар нь ерөнхийдөө аймшигтай бөгөөд хөдөлгөөнгүй, ямар ч хөдөлгөөн тэдэнд нөлөөлөхгүй мэт харагдаж, тоглоомын гол асуудал болж байна.

Нөгөө талаар, тоглоомд гэрэл гэгээ авчирч байгаа, түүхийг сонирхолтой болгож байгаа нь хөгжим л байна. Энэ тоглоом дахь хөгжим болон дууны эффект нь маш оргиналь бөгөөд харьцуулах юм бол энэ тоглоомын дуу нь алдартай киноны цуврал Харри Поттертой төстэй гэж хэлж болох юм. Дуу оруулга нь маш сайн, харин муу тал нь маш муу бичигдсэн. Харилцан яриа нь хатуу, хүчилсэн байдалтай бөгөөд сонин хачин үгээр дүүрэн. Магадгүй Дундад зууных болгох гэж хичээсэн байж болох юм, гэсэн ч зүгээр хөгтэй, сонин болоод хувирчихжээ.

Харамсалтай нь заримдаа энэ “Where Angels Cry” тоглоом дэндүү их зорилт тавиад түүндээ хүрэх ямар ч бололцоогүй болсон мэт л харагдаж байна. Хэдийгээр зарим нэг оргинал түүх, хөгжим гэх мэт сайн чанар байгаа боловч график, явц зэрэг гол асуудлууд нь энэ тоглоомыг дундаж нууцлаг обьект, таавар, адал явдлын төрөл болгож, зах зээл дээр байгаа бусад тоглоомоос илүү ихийг санал болгож чадахгүй болгосон. Хэдий тийм боловч, та үнэгүй хувилбарыг татан авч туршиж үзэж болох бөгөөд дуртай байвал бүтэн хувилбарыг худалдан аваад хүссэн хэмжээгээрээ тоглож болно. Гэхдээ нэг анхааруулах зүйл нь энэ тоглоом өөрийхөө төрлийн тоглоомнуудаас хамгийн шилдэг нь биш шүү!