Эхнээс нь хэлэхэд нь тоглож эхэлсэн анхны минутаас л тоглоомны талаарх сэтгэгдлийг бохирдуулсан аймшигтай график нь харагддаг. Жирийн, харагдах юмгүй фон нь бүдэг зураг юмуу шинээр анхлан 3D зураг бүтээх гэж буй анхны зохиогчын зургийг санагдуулам байх бөгөөд анхны нууцлаг обьектийн үзэгдлийг нь харангуутаа цаашаагаа тоглох хүсэл бүрэн унтарна. Надад итгээрэй. Тэд явах тусмаа тоглоомынх нь чанар нь улам муудаж байна. Ямар ч хөдөлгөөн оруулалт, дүрүүд байхгүй бөгөөд зүгээр л хүүхэлдэйн киноны зураг шиг бөгөөд өхөөрдөм гэхэд дэндүү хоосон болж хувирчээ.

Өрнөлийг нь харахад графикийн хөгийн байдалтай нь харьцуулахад арай илүү онцлог, бас шинэлэг болсон байна. Тоглоомын гарчигнаас нь та таамагласан байж болох түүх нь Мона Лизагийн хулгайлагдсны эргэн тойронд болж өрнөнө. Аймшигтай супер хулгайч, хүүхэлдэйн киноны лазер буутай адилхан харагдах өөрийн гайхалтай зохион бүтээл “Цаг бохирдуулагч”-нхаа тусламжтайгаар цаг хугацаагаар аялж, аймшигтай вандализмын гэмт хэрэг үйлдэж, Леонардо Да винчийн мөнхийн бүтээлийг музейгээс хулгайлж нарийн хэсгүүдэд задлан дэлхийн энд тэндхийн газруудад нууж орхино. Тиймээс таны үүрэг бол энэ бүх хэсгүүдийг нь олж илрүүлэн, бидний мэдэх “Цаг бохирдуулагч”-н тусламжтайгаар өнгөрсөн болон одоогийн цаг хугацаагаар эргэн аялж хорон муу нэгнийг Интерполын мөрдөгчдийн хамтаар баривчилна. Ингэхдээ түүний цаг хугацаагаар аялсныг нь Интерполын Технологийн багийн зохион бүтээсэн бас нэг сонин “Цаг хугацааг завсардалтыг мөрдөх” машинаар түүний хаана байгааг олж илрүүлэн баривчилж чадах юм. Үнэндээ энэ сонирхолтой шинэлэг санаанаас өөр итгэхийн аргагүй янз бүрийн сонин түүх энд тохиолдож байна.

Түүхийн өгүүлэл нь дэндүү тааруухан гэдгийг онцолж хэлэх ёстой. Үйл явдлууд нь маш удаан өрнөх бөгөөд харилцан яриа зайлшгүй дутагдалтай байгаа нь мэдэгдэнэ. Нэмж хэлэхэд таны судлан илрүүлэх ёстой ихэнх нууцлаг обьектийн үзэгдлүүд нь хоорондоо ямар ч холбоогүй. Тийм болохоор таны хийх ёстой зүйл нь жагсаалтнаас ямар ч хамаагүй зүйлсийг эрэн сурвалжлах бөгөөд үүнд нь янз бүрийн лааз, үхсэн жоом, шувуу, лууван зэрэг таны хийж буй ажилтай ямар ч холбогдохгүй хэрэгцээгүй зүйлс байх юм. Хайж буй зүйлс тань буюу зургийн хэсэг нь өнгөрсөн болон одоогоос энэ бүх зүйлсийг цуглуулсны дараа таньд автоматаар өгөдөх юм байна. Эдгээр хогийн цуглуулгыг бүрдүүлэх гэж цагаа үрэх бөгөөд, төгсгөлд нь ямар ч гайхалтай зүйл болохгүй. Та гэмт хэрэгтнийг барихад хэр ойрхон ирснээ мэдэхгүй бөгөөд хичнээн олон хэсгүүдийг цуглуулсан ч гэсэн тодорхой биш. Үйл явдлууд нь явж өгөхгүй. Таны босс чинь хийсэн бүхэнд чинь зүгээр л талархах бөгөөд дахин нэг юм руу явуулж, тэгээд та ямарч сонирхолгүй байршлуудад хэрэгцээгүй луувангууд цуглуулна. Нөхцөл байдал ийм байна гэдэг таныг ямар байдалд оруулахыг төсөөлөөд үз дээ?

Гэвч энэ бүхэн нь “Time Chronicles: The Missing Mona Lisa”-гийн хамгийн муухай зүйл бас биш байна. Та тоглоомын дундуур явж, нэг нууцлаг обьектийн үзэгдлээс нөгөө рүү нь дамжих үед хэд хэдэн хөгийн мини-тоглоомтой бас таарна. Ихэнхийн фон нь бүдэг бөгөөд аймшигтай хогийн тантан. Хогийн тантан гэдэг бол бас тохирох үг биш байна. Яг л хүүхдийн цуглуулга, янз бүрийн өөр өөр хэмжээ дамжаатай юмыг бүгдийг нь нэг зурганд оруулсан юм шиг болж. Жишээлбэл Лувр дахь менежерийн өрөө ньд жижиг пингвин хаалганы өмнө нь сууж байгааг харна, Египетэд Агуу Спинксийн нуруун дээр аварга яст мэлхий сууж, одой тахь цонхоор нь үсрэн орж ирсэн байна. Зарим обьект зүгээр л агаарт дүүжлэгдэж байгаа бол, зарим нь энд тэндгүй тархжээ. Дэлгэцийн гадна талд тоос сорогч байрлуулсан бөгөөд үүнийг нь тусламж хэрэглэж байж арай ядан олж байна. Ямар ч байсан “casual mode” хувилбарт нь тусламж тун хурдан сэргэх бөгөөд санамсаргүй даралт хийхэд ямар нэг шийтгэл байхгүй болохоор цагийн хязгаарлалт нь дэндүү өгөөмөр болж хувирчээ. Энгийн буюу “normal mode” хувилбарт тогловол мэдээж илүү хэцүү болж хувирна. Жагсаалтад нь маш анхааралтай хандах ёстой болно. Нэг удаа би шүүр олох ёстой болсон боловч энэ нь автёрк болсон байсан. Энэ бол зөвхөн ганц жишээ бас биш. Обьект нь таны хүсэж байсан шиг зүйл дандаа байхгүй. Жагсаалтан дахь хулгана нь компьютерийн маус байх бөгөөд бас тэнд нь жинхэнэ хулгана байгаад би түүнд дээр нь хэдэн мянган удаа дарсан ч нэмэргүй байсан. Заримдаа хэд хэдэн малгай, мөн хос гутлуудтай үе байх бөгөөд алийг нь дарахаа ер нь бол мэдэхгүй. Нэмж хэлэхэд зарим зүйлсийг нь маусаар дарахад хариу үйлдэл үзүүлэхгүй бөгөөд таны олсон зүйлс зөв эсэхийг мэдэх боломж ч байхгүй. Хэдийгээр тоглоомны жагсаалтны сул тал нь дуусашгүй их байгааг би мэдэж байсан ч үүн дээр нь хэд хэдийг дахин нэмж хэлмээр байна. Ихэнх зүйлс нь маш бүдэг, эсвэл маш жижиг учраас арын фоноос нь салгах харах боломжгүй. Эцэст нь тухайн үзэгдэл бүрийг та дор хаяж гурван удаа дахин судлана гэдгээ та бодож үзэх ёстой. Гэхдээ таны олох обьект нь байнга л ямар ч ялгаагүй болж хувирна!

Энэ бүгдийн дээр ямар ч дуу оруулга байхгүй бөгөөд суурь хөгжим нь дэндүү залхмаар, дууны еффект нь дургүй хүргэм, тэгээд дээрээс нь та эхний минутаас л дууг хаах нь ямар ч боломжгүй болно. Бүхий л тоглоомны хамгийн сайхан хэсэг нь таны босстойгоо хамт байх хугацаа бөгөөд таныг өөрийгөө танилцуулахыг хүсэх үед л та нэрээ бичиж оруулах явдал юм. Энэ онцлог нь надад нэлээд бүтээлч санагдсан төдийгүй, тоглоомны ганц дуртай хэсэг нь болсон байна.

Тиймээс та “Time Chronicles: The Missing Mona Lisa” тоглохоос бусдаар хийх зүйл ер байхгүй бол үүнийг тогло! Хөгийн өрнөлөөс авахуулаад хуучирсан график, муухай түүх, чанаргүй зураглал зэрэг тоглоомын хэсэг бүр нь таныг шал дэмий цагаа үрсэн хэрэг болгох юм шиг байна! Магадгүй, “Big Fish Games” маргааш бидэнд илүү дээр ямар нэг юм санал болгоно гэж найдъя …