Сонгодог хөзрийн тоглоомыг сайхан нууцлаг обьектийн үзэгдлүүдтэй нэгтгэсэн гайхалтай фантаз маягийн графиктай, энэ тоглоом магадгүй ер бусын хөзөр болон  хөлгийн тоглоомын хорхойтнуудад таалагдана. Үнэндээ энэ тоглоомын талаар утга учиртай юм бичнэ гэдэг бидэнд хэцүү байна. Яагаад гэвэл энэ тоглоом ёстой гоё болхоор бид ямар нэг сайхан үгээр үүнийг төсөөлөн хэлж чадахгүй л болов уу.

Ямар ч байсан юуны түрүүнд чухал зүйлийг нь хэлье. Магадгүй энэ тоглоомны хамгийн их таалагдсан зүйл нь график нь бөгөөд тоглож эхлэнгүүтээ л ямар мундаг хийгдсэн юм бэ гэж шагшрахаас өөр аргагүй болно. Гэгээлэг, өнгөлөг бас өндөр нарийвчлалтай фоно, сайхан зурсан архе маягийн дүрүүд, урт цагаан үстэй настай шидтэн болон муу санаатай хар хувцас өмссөн хорон шидтэн болоод хөдөлгөө оруулсан модны мөчир, дур булаам жижиг шидтэн болон бутанд нуугдаж байгаа ер бусын амьтад нь биднийг сайн нь үргэлж дийлж байдаг үлгэрийн шидэт ертөнцөд орсон юмуу гэлтэй болгоно.

Сайхан, аялгуутай бас саад болохгүй суурь хөгжим нь ид шидийн уур амьсгалд сайн тохирох бөгөөд гайхалтай хөзөртэйгөө нийлж тоглоомыг улам зугаатай болгожээ. Нэмж хэлэхэд үзэгдлүүдийн туршид гайхалтай дуу оруулга байх бөгөөд тийм болохоор чимээгүйгээр харилцан яриаг унших шаардлага байхгүй. Тоглоомын бүх энэ давуу тал дээр нэмэхэд ганц өрнөл нь нэг их учир утгагүй болгочихгүй байлгүй дээ, тийм үү?

Тоглоомын явцын хувьд бол бэрхшээлийн хоёр үе байх бөгөөд нэг нь сэтгэл амраасан зугаатай бол нөгөө нь итгэхийн аргагүй хүнд юм байна. Мэдээж хэрэг олон тооны хөзрийн болон хөлгийн тоглоомтой адил “The Chronicles of Emerland Solitaire” тоглоомд анхааралтай байдал, логик ур чадвараасаа илүү та азаа үзэх хэрэгтэй болно. Товчхон хэлэхэд энэ бол нэг нэгээр явдаг уламжлалт хөзрийн тоглоомыг хэрэгцээтэй бонустай хольсон тоглоом боловч маш сайхан, энгийн нууцлаг обьектийн үзэгдлүүдийг ашиглаж, бас дэлгүүрээс шидэт зүйлсийг худалдаж авах боломжыг олгосон байна. 

Ямар ч байсан та энэхүү магтан шагшсан үгийг сонсож байхдаа хэдэн зуун нууцлаг обьекттэй тоглоом дүрслэн бодож байгаа бол бид таныг гомдоох нь. “The Chronicles of Emerland Solitaire” тоглоомд байгаа нууцлаг обьектийн тоглоомууд нь маш амархан, бас ихэнх нууцлаг обьект нь нүдэнд ил байх бөгөөд олох ёстой зүйлс нь үе болгонд бараг л адил төрлийнх байх болно. Хэдийгээр ийм энгийн боловч тоглоомд нууцлаг обьектийн үзэгдэл нь маш өөр мэдрэмжийг авчирдаг.

Магадгүй энэ нь дэндүү энгийн сонсогдож байж болох ч ийм гайхалтай хөзрийн тоглоом бид тун удаан хугацаанд олж харсангүй. “The Chronicles of Emerland Solitaire” тоглоом бол жинхэнэ давтан давтан тогломоор, таны цуглуулганд байх ёстой мундаг бүтээл болжээ. Сайхан цаг өнгөрүүлээрэй!