Тоглоом бидний өнөөгийн цаг хугацаанд өрнөх болно. Гэхдээ та өдөр болгон харж байгаа зүйлсээ харна гэж найдсаны хэрэггүй шүү! Тоглоомын түүхээс нь харвал 1895 онд Никола Тесла нэгэн туршилт хийсэн бөгөөд тэрхүү туршилтын үр дүнд өөрөө сураггүй алга болсон төдийгүй дэлхийн бүх хүмүүс өнгө мэдрэх болон хөгжим сонсох чадвараа бүрэн алдчихсан байна. Энэ нь таньд нэг их аймшигтай зүйл мэт санагдахгүй байж болох юм. Гэхдээ “Tesla’s Tower: The Wardenclyffe Mystery” тоглоомын гол дүр нь Теслагийн туршилт түүний амьдралын бүх баяр хөөрийг нь байхгүй болгосон гэж үзэж байна. Тийм болохоор энэ чинь маш ноцтой асуудал болж байна! Туршилт болсноос хойш хүмүүс Теслаг хорон муу санаатан гэж үзсэн бөгөөд харин зуугаад жилийн дараа түүний үр удмын нэг болох Марие л үнэнийг олж, энэ аймшигтай туршилтын гол зорилго нь юу байсныг мэдэхээр шийдсэн байдаг. Тиймээс одоо таны ээлж боллоо. Үнэнийг хэлэхэд энэ тоглоомын санаа нь анхандаа надад тэнэг юм шиг санагдаж байлаа. Гэхдээ тоглоомын хөгжүүлэгчид нь Теслагийн олон жилийн турш хийсэн шинжлэх ухааны судалгаан дээр үндэслэж хийсэн нь яахын аргагүй шинэлэг санаа болгохын нотлон харуулж чадсан. 

“Tesla’s Tower: The Wardenclyffe Mystery” тоглоомын өрнөл нь тоглоомын түүхэндээ маш сайн тохирдог. Олон тооны уламжлалт нууцлаг обьектийн үзэгдлүүд нь бага зэрэг багасаж, таныг тоглох явцад бараг алхам болгонд л мини-тоглоом тулгарна. Ихэнх байнга давтагдсан, хэтэрхий их таавар оруулсан нууцлаг обьектийн тоглоомноос ялгаатай нь энэ тоглоом таны анхаарлыг бүхэлд нь шаардах маш онцлог сорилоор дүүрэн байгаа. Ихэнх цагт та янз бүрийн механизмуудтай тулгарах төдийгүй, хуучин төмөр утас засах, генератор ажиллуулах, чип солих гэх мэт олон зүйлс хийх болно. Аз болоход “Tesla’s Tower: The Wardenclyffe Mystery” тоглоомын бүхий л даалгаварууд нь маш сайн зүй тогтолтой болохоор хэрэв та харилцан яриаг алгасахгүй, өдрийн тэмдэглэлийг тогтмол унших юм бол тэднийг тун хялбархан ойлгож, давах боломжтой. Эсвэл, магадгүй, тийм хялбар биш байж ч болох юм … Ямар ч байсан, хэрвээ та гацчих юм бол, чадахгүй байгаа таавраа “skip” товчлуур даран алгасаж, цаашаагаа явах боломжтой.

Нууцлаг обьектийн үзэгдлүүдийн хувьд дэлгэцийн доох нь талд бидний “дэлгүүрийн жагсаалт” гэж нэрлэж заншсан тухайн үзэгдлээс олох ёстой зүйлсийн жагсаалт байгаа. Энэ жагсаалт нь таныг мини-тоглоом эхлэх бүрд автоматаар өөрчлөгдөх бөгөөд зөвхөн нэг л обьект байнга тогтмол байрлана. Та аль хэдийн таамагласан байж болох юм, энэ зүйлийг л олж байж та цаашаагаа явах боломжтой. Ихэнх обьектийг маш ухаалаг байдлаар нуучихсан учраас, таны яг нүдний өмнө байрлаж байсан ч гэсэн, заримдаа шууд ажиглаад олчих боломжгүй байдаг. Мөн зарим үед та хаалга онгойлгох болно, шүүгээ нээх ёстой болно, хувцас даавуу гэх зэрэг зүйлсийг холдуулж байж, хэрэгтэй зүйлсээ харах боломжтой. Үзэгдлүүд нь нэлээд хог ихтэй мэт боловч бидний байнга хардаг овоолсон хогтой бас адилгүй. Буруу зүйл дарсан тохиолдолд торгууль байхгүй, тусламжын товчлуур нь нэг минут хэртэй болж байж буцан сэргэнэ. Нэмж хэлэхэд тухайн авч болох зүйлсийн дээгүүр маусаа явуулж өнгөрөөхөд томруулж харах хэсэгт томруулга, хаалга болж онгойх зэргээр маусны курсор өөрчлөгдөх бөгөөд сум юмуу томруулдаг шил зэрэг үзэгдэнэ. Идэвхтэй хэсэг нь тодорхой үечлэлтэйгээр гялалзаж таны анхаарлыг татах болохоор чухал зүйлсийг та орхигдуулж өнгөрөөх боломжгүй.

Ихэнх тоглоомын тусламжын хувьд та виртуал туслагчтайгаа чатлах боломжтойгоос гадна та бүгдийг нь алгассан ч гэсэн гацахгүй. Мөн гол дүрийнхээ өдрийн тэмдэглэл дээрээс хангалттай заавар олох боломж бас бий. Нэмж хэлэхэд идэвхтэй талбар дээгүүр маусаа явуулж мөн зөвлөгөө авч болох юм. Энэ тохиолдолд таны гол дүр таньд тусламж үзүүлж, юуг бас нэмж ашиглах хэрэгтэйг мэдүүлнэ. Харилцан яриа, түүнчлэн ихэнх үзэгдлүүд нь алгасах боломжтой. Өдрийн тэмдэглэлийн хувьд нэлээд сайн зохион байгуулагдсан төдийгүй, маш их дэмтэй. Жишээлбэл газрын зургийн ямар нэг цэгт дарснаар ямар даалгавар хүлээж авах ёстой болоод ямар зүйлсийг олж авах ёстой нь харагдана. Газрын зураг ашиглаж аялах нь зөвшөөрөгдөхгүй боловч энэ нь нэг их хүнд бэрх даваа биш. Сайн хийгээд явах юм бол нэг их хойшоогоо эргэж буцах шаардлага байхгүй.

Графикийнх нь хувьд хэлэхэд тоглоомын өнгө нь орчин үеийн нууцлаг обьектийн тоглоомнуудыг бодоход илүү гэгээлэг. Хэрвээ та харанхуй байршилд очсон бол тэндхийн хаа нэгтээ ханан дээр нь унтраалга байх бөгөөд гэрэл асаах боломжтой болно. Бүрхэг нөхцөл байдал нь зөвхөн тоглоомын хамгийн эхэн хавьцаа л байх бөгөөд Марие нүдний шилээ унагаачихсан байдаг. Үзэгдэл бүр нь маш тодорхой байх бөгөөд та дэлгэцэн дээр байгаа зүйлсийг хуулж аваад компьютерийнхээ фон болгож гаргамаар санагдам шүү. Олон тооны хөдөлгөөн оруулсан элементүүд тоглоомын бараг үзэгдэл бүрд байх бөгөөд ингэснээр статик зургийг илүү амьдруулсан харагддаг. Ерөнхийдөө хэрэв та урлагт дуртай бол энэ тоглоомын гайхалтай интерьер, тэнгэрийн үзэсгэлэнтэй зураглал зэргийг нь бишрэх болно. “Tesla’s Tower: The Wardenclyffe Mystery” тоглоомын график дизайныг доош нь татах цор ганц зүйл нь тоглоомын дүрүүдийн гаднах байдал нь юм. Өндөр нарийвчлалд фонон дээр хүүхэлдэйн киноны дүр мэт гол дүр нь эвгүй харагддаг. Жишээлбэл Мариег ойрноос харах юм бол түүний дүрд орж тоглохоор тийм сайхан харагдахгүй. Дээрээс нь Тесла ч гэсэн өнөөдөр түүний үлдэж хоцорсон зурагтай нь харьцуулах юм бол сэтгэгдэл төрүүлэм язгууртан биш зүгээр л нэг галзуу эрдэмтэн шиг л харагддаг. Хэрвээ та бодит дүртэй нь харьцуулахгүй гэж үзэх юм бол түүний гэгээлэг нүүрний төрх нь хэсэг хугацаанд таныг баясгах боловч түүнд дасан зохицоход тодорхой хугацаа хэрэгтэй болно.

Өндөр чанатай график дээр нэмэхэд “Tesla’s Tower: The Wardenclyffe Mystery” тоглоом маш сайн дуу оруулалтаараа бахархах боломжтой. Гол дүр болоод туслах дүрийн дуу нь маш сайн. Суурь хөгжим ч гэсэн мэдэгдэхүйц сайн болсон. Туйлын залхаамаар сонсогдох боловч тодорхой уур амьсгалыг бий болгож, таны зүрх сэтгэлийн тайлбарлагдах аргагүй гуниг, амар биш байдалтай болгодог. Хэрвээ та урьд нь “Outcry” тоглож байсан бол магадгүй миний юу хэлж байгааг ойлгоно. Энэ хоёр тоглоом нь өрнөл, таавар, график, хөгжим болоод холын садан нь аялалд хөтөлдөг факт зэргээрээ маш төстэй. Гол ялгаа нь “Tesla’s Tower: The Wardenclyffe Mystery” өнгө дүрслэл нь илүү амьдаар зогсохгүй төгсгөл нь ч тийм гунигтай биш. Ямар ч байсан, цаг хугацааг бага зэрэг өөрчлөх хөнгөхөн зугаа ч гэсэн тэнд бий.

Ерөнхийдөө таны туршлагаас хамаараад, та тоглоомыг таваас найман цагийн хооронд дуусгах боломжтой. Магадгүй, та дахин нэг удаа тоглож, тоглоомын өрнөлд зугаацан, онцгой таавар оньсгоор нь хөгжилдөж болох юм. “Tesla’s Tower: The Wardenclyffe Mystery” тоглоомын хөгжүүлэгчид нь тоглоом заавар цуст аллага, харанхуй оршуулга, эвдэрсэн хүүхэлдэй, алга болсон найз зэрэгтэй байх шаардлагагүй болохыг харуулж, бидний сэтгэлийг эзэмдэж чадлаа. Тоглоом ямар ч айдас хүргэм зүйл байхгүй, харин хүчтэй сэтгэл хөдлөл дагуулж, хэзээ ч битгий дуусаасай гэж бодогдоход хүргэнэ. Сайн байна, “Persha”, бид дахиад ийм тоглоом тогломоор байна!