Зөндөө олон тоглогчид тэдний талаар гомдол гаргачихаад байхад яагаад тэд дахин дахин энэ л гарчигтай тоглоомоо бидний аманд чихээд байгаа юм бол? Тэд арай өөрсдийгөө тусдаа гарсан, ухаантнууд гээд бодчихсон юм биш биз? Ямар ч байсан өнөөдөр нэг их сэтгэл татахгүй тоглоомнуудынхаа нэгний тухай ярьж байна. Бүр таныг залхааж ч мэдэх юм.

Юуны түрүүнд Small Town Terrors: Livingston тоглоомын дизайны түвшин нь доогуур, хийсвэр, бохир, сайхан харагдахгүй л байна. Хоёрдугаарт гол график нь улаан, ногоон, цэнхэр гэсэн гурван гол өнгөөр хийгджээ. Илэн далангүй хэлэхэд ийм график орчинтой, бүхий л дэлхий нь улаан, ногоон, эсвэл цэнхэр өнгөөр бүтээгдсэн тоглоом тоглоно гэдэг дарамттай санагдана. Тоглогчыг тоглоомоо орхиод гадагш гарч цэвэр агаар амьсгалмаар санагдахад хүргэхээс өөр зүйлгүй.

Ийм маягийн график нь нууц обьект олох үзэгдлүүдийг унтууцмаар болгоно. Яагаад гэвэл нягтшил байхгүй учир нууцлаг зүйлсийг жижигхэн болгохоос өөр аргагүй. Маш анхааралтай, тэвчээртэй байх шаардлагатай бөгөөд аль болох бага дарж ихийг олох ёстой болно. Гэвч тоглоомны бэрхшээл нь илүү сайн хийгдсэн бөгөөд зарим нь гайхалтай шинэ үүрэг даалгавар бүтээсэн байна. Тусламжын систем бас сайн ажиллах бөгөөд дахин энэхүү тусламжаа авах цагаа ч хурдасгах боломжтой.

Гэсэн ч Small Town Terrors: Livingston тоглоом алдаагаар дүүрэн. Жишээлэхэд хөгжим нь муухай бас байнга л давтагдана. Газрын зураг нь тус дэм өгөхгүй болохоор ихэнх цагаа урагш хойш явахдаа үрнэ.

Дүгнэн хэлэхэд энэ тоглоом шилдэг гэж хэлэхээс алс хол байна. Хэрвээ нүдний өвчтэй бол энэ тоглоомыг тоглохгүй байсан нь дээр.