Тоглоом эхлэх үед л хажуу талаараа эргэлдэх байрлал бүхий өнгөтэй хөдөлгөөн бүхий графиктай өхөөрдөм дүрүүд нь нүдийг чинь баясгана. Хэдийгээр анхны үзэгдэл нь бага зэрэг бүдэг фокусгүй харагдах боловч хагас цаг тоглосны дараа нарны гэрэл гялбуулсан жижиг хотод хүрэх бөгөөд  “Shaban” сүр жавхлангаар дүүрэн харагдана. Ихэнх суурь зэрэг нь хүүхдийн номон дээр гардаг зурагтай төстэй харагддаг. Зарим нь нэлээд хөгжилтэй, зарим нь илүү зураг мэт, гэхдээ ерөнхийдөө бүхий л тоглоом нь нэлээд ер бусын хэв маяг бүхий графикаар нарийвчлагдан дүрслэгдсэн. Байшингууд нь маш тодорхой, онцлог өхөөрдөм дүрүүдтэй, бас олон тооны хөдөлгөөн оруулсан элементүүдтэй харагдана. Нэмж өгүүлэхэд ихэнх орчин үеийн түр хугацааны тоглоомноос ялгаатай нь “Shaban” бол гуравдугаар биеийн тоглоом юм. Өөрөөр хэлбэл гол дүр нь дэлгэцний өмнө гүйх бөгөөд “2,5D” юмуу эсвэл псюдо гурван хэмжээст ертөнцөөр харагддаг нь нэлээд хэмжээний давуу тал болж чаддаг.

Нэлээд ер бусын дур булаам график болоод Персийн домгоос үндэслэсэн уйтгартай хоньчин, эр зоригтой хонины тухай сэтгэлд хүрсэн түүхийг хослуулсан нь хөгжилтэй хүүхэлдэйн киноны маягийн үзэгдэл, гайхшруулсан дүр, олон тооны хөгжилтэй хоромуудаараа “Shaban” жинхэнэ эрдэнэс болж чадах байв. Гэвч нэлээд тооны чухалд тооцогдох сул талууд ч харагдаж байна. Үүнд эхнийх нь бол нэгэнтээ тоглоом тоглож эхлэх үед текст ерөөсөө байхгүй харагдана. Хоньчин “Shaban” болоод хоёр дахь тоглож болох дүр болж хувирдаг жижиг нэргүй хурга нар нь хоорондоо сонирхолтой дуу авиа “баа”, “оох” юмуу “еаах” зэргээр харилцан ойлголцоно. Бодохдоо сонин тэмдэгт “!¿#?*” гэх мэт гарах бөгөөд тэмдэглэлийн дэвтэр байхгүй зэрэг нь хонинд бол нэг их гайхаад байх зүйл мэдээж биш харагдана.

Маш тодорхой зааварчилгааны оронд тэмдэгтүүдийн жагсаалт байх бөгөөд идэвхтэй газраар нь маусны заагуураа явуулах үед дүрс нь өөрчлөгдөнө. Тоглоомын интерфэйсийн талаар зарим нэг товч мэдээлэл гарч ирдэг. Цаашлаад арканоид тоглоом биш гэж хэлэхгүй боловч тоглоомын бүх зүйл нь тодорхой бөгөөд ойлгомжтой, ямар нэг нэмэлт тайлбар хэрэгцээгүй байна. “Shaban” бол адал явдлын тоглоом бөгөөд гурван хуудас танилцуулга нь тоглогчид бүхий л тоглоомын үйл явцыг танилцуулж хүрэхгүй нь мэдээж хэрэг. Жишээлбэл дэлгэцийн дээд хэсэгт маусны заагуураа аваачих үед хадгалах сангийн талаар ямар нэг тусламж танилцуулга ер гарч ирэхгүй байгаа юм. Хэдий тийм боловч нэгэнтээ ийм зүйл нь эвлүүлдэг таавар биш учраас өөрийнхөө тархийг ажиллуулж санг нээх, юмуу хааж үзэж болох юм!

Ямар нэг тэмдэглэл хөтлөлт байхгүй, дэлгэцэн дээр ямар нэг тав тухтай товчлуур байхгүй зүйлд бид аль хэдийнээ дасчихжээ. Сангийн дэлгэц байнга л гулсан алга болох бөгөөд тоглоомны газрын зургийг онцгойлох цор ганц арга зам бол компьютерийн гараасаа «M» товчлуур дарах явдал юм. Үнэнийг хэлэхэд газрын зураг нь хаашаа явах талаар олж мэдэхэд нэг их тусламж болж чадахгүй бөгөөд таны хувьд нэг газраас нөгөө газар руу шууд хормын төдийд очих боломжтой болохоор хотоор аялах үедээ цаг хугацааг маш сайн хэмнэх боломжтой. Нэмж хэлэхэд бэрхшээлийн түвшин нь цор ганц байгаа болохоор тоглоом нь хялбархан эхэлж, явах тусам хүндэрдэг. Идэвхтэй талбарууд нь тодотгогдсон бөгөөд тусламжын товчлуур нь эргэж хоёр минут орчмын дараа буцан сэргэдэг. Эвлүүлдэг тааврын ихэнх нь маш логикгүй бөгөөд урам хугалсан үр дүнд хүргэж мэднэ. Үнэнийг хэлэхэд энэ нь тоглоомын гол дүрийн утгагүй үйлдлээс болоод мөн тоглоомын комплекс болон хүнд хэцүү тааварлахын аргагүй эргэлт зэрэгтэй холбоотой байж болох юм. Тийм болохоор та тархиа ажиллуулж аль болох бүхий л боломжынх нь дагуу шийдвэрлэх хэрэгтэй болно.

Эвлүүлдэг тааврын талаар ямар нэг шинэ, онцлог зүйл ер байхгүй гэж хэлэхээсээ өмнө хөгжүүлэгчид бидний олон удаа үзсэн энгийн мини-тоглоом болоод оньсогонуудыг ямар аймшигтай хольсон болохыг харж болох юм. Жишээлбэл эргэлдүүлж мушгисан утас, зангилаа зэргийн арын фон нь маш харанхуй бөгөөд зүгээр л утас хаана байгааг ч ялгахад хэцүү болж хувирна. Эвлүүлэх таавар нь алгасах боломжгүй гэдгийг тооцож үзэх ёстой бөгөөд “Shaban” тоглохдоо шийдвэрийг хүчээр гаргах ёстой болох бөгөөд нэг их сонирхолтой, сайхан санагдахгүй байх биз. Эсвэл жишээлэхэд араануудтай холбоотой үүрэг даалгавар нь тоглоомын эхэнд гарна. Хөндийнөө томоохон арааны хэсгийг авахын тулд та соронз олох хэрэгтэй болох бөгөөд түүний дараа жаран хөлт барин соронзоо түүний нуруунд нааж, хөндий рүү гулсуулан оруулна. Та ийм хөгийн жаран хөлт барьж аваад нуруунд нь соронз бэхлэх санааг хаанаасаа бодож олдгыг надад нэг хэлээд өгөөч?

Мөн хэд хэдэн багахан хэмжээний толбо байх боловч ихээхэн тавгүй байдал үүсгэдэг. Жишээлбэл, эхний нууцлаг обьектийн үзэгдэлд тусламж хэрэглэснийхээ дараа товчлуур нь хэдэн минутын туршид идэвхгүй болж хувирна. Бид ямар хугацаанд хүлээх талаар ямар нэг цаг, элсэн цаг, хувиар байхгүй. Үүний үр дүнд би дахин тоглоомыг эхлүүлсэн бөгөөд нэг үзэгдэлд нэг л тусламж авах ёстой юм байна гэж ойлголоо. Цаашлаад бүх үзэгдлийн завсрын хэсгүүд нь гараараа “алгасах” товчлуур дарж явах ёстой юм байна. Хэдийгээр нэг их чухал сул тал гэж харагдахгүй ч тоглоомын явцад залхмаар байдлыг үүсгэж, үүнээс болоод дахин хэдэн минут хүлээх шаардлага гарч байна.

Ерөнхийд нь хэлэхэд эхний удаа оролдож үзэх нь зүгээр байж болох юм. Энэхүү тоглоом маш их хэмжээний потенциалтай болохоор олон тооны сул талаасаа илүүтэй “Shaban” надад нэлээд зугаатай байлаа. Харилцан яриа байхгүй, тэмдэглэлийн дэвтэр нь тоглоомыг улам хөгжилтэй болгож байгаа ч зарим нөхцөл байдлын логикгүй байдал, эвлүүлдэг таавар зэрэг нь тоглох хүслийг хордуулж болох юм шиг санагдсан. Үнэнийг хэлэхэд “Peta Game” хоёр дахь тоглоомоо гаргах юм бол би эргэлзээнгүй туршиж үзэх болно. Гэвч “Shaban”-г би хүн болгонд тохирно гэж хэлж чадахгүй, харин түр зуурын тоглоомны жинхэнэ фэн, хөгжөөн дэмжигчдэд бол тоглоод үзэхэд муудах юм байхгүй. Сайхан зугаацаарай!