Тоглогчдын ачаар хөөрхөн хоньд хар гарагийн сансрын хөлгөөс зугатаж чадах бөгөөд дэлхийдээ эргэн ирсэн болохоор “Running Sheep: Tiny Worlds”-н үйл явдал ирээдүйн интерьер дотор бус харин бидний төрөлх гараг дээр, ой модон модон дунд, хотын гудамж дунд, хачирхалтай агуулах дотор явагдана. Өнөөгийн орчин үеийн ертөнц хоньдод задгай сансраас ялгаагүй аюул занал учруулах болохоор эдгээр бяцхан хоньдод тусалж хөөрхий үсэн бөмбөгнүүдийг аюулаас зайлсхийлгэх нь зөвхөн таниас л шалтгаалж байна. Өмнөх хэсэгтэй харьцуулах юм бол тоглоомын гол явц нь нэг их өөрчлөгдсөнгүй. Таны даалгавар бол нэг юмуу түүнээс хоньдыг ээдрээн дундуур дагуулж, ямар чиглэлд явах ёстой, гэдгийг заан, газар дээр заагуур байрлуулах ёстой болно. Үе шат бүрийг давах тогтоосон цаг нь хязгаартай болохоор хол явах тусам л улам илүү хатуу болж хувирна. Нэмж хэлэхэд таны даалгавар нь янз бүрийн саад бэрхшээл, тухайлбал телепорт, нүх, махчин болон бусад тааламжгүй зүйлстэй холилдох болно. Таны дайснууд эргэн тойронд чинь архиралдаж байх үед та зоос цуглуулна гэдэг ямар хэцүү болохыг мэдэж байгаа биз дээ. Таны санд байгаа заагуурын хэмжээ ч гэсэн хязгаартай, мөн таны хоньд зогсоо чөлөөгүй гүйж, үсрэх учраас дараагийн үе шатуудад нь та өөрийн гайхалтай логикоо хэрэглээд зогсохгүй цахилгаан мэт хурдан хариу үйлдэл гаргаж, заагууруудаа газраас газарт хурдан шилжүүлэхгүй бол хоньд чинь нүхэнд унах болно шүү.

“Running Sheep: Tiny Worlds”-н график нь бас маш дээр үеийн боловч сайхан хэвээрээ. Ихэнх фон нь нүдэнд дулаахан, өнгөлөг бөгөөд өхөөрдөм хоньд дэлгэцийн энд тэнд гүйлдэх нь гайхалтай өхөөрдөм байдлыг үүсгэх бөгөөд дуу оруулга нь хөгжилтэй болж. Хөгжим нь бас нэлээд чихэнд чимэгтэй, бас нэг их залхаагаад баймаар биш. Дууны еффект нь бас сайн боловч нэлээд өвөрмөц. Жишээлбэл чоно таныг хонийг барих үед энэ үйлдлийг бараг л дахин сонсмооргүй мэт санагдах хөгтэй дуу гаргана.

Мэдээж хэрэг ямар ч тоглоомтой адилхан “Running Sheep: Tiny Worlds” зарим нэг доош татсан зүйлстэй. Нэгдүгээрт, ямар ч хэл байхгүй. Үгийн оронд зарим нэг хачин тэмдэгт байх бөгөөд юу хэлээд байгааг нь мэдэж, дүрмийг нь ойлгохын тулд нэлээд хугацаа шаардагдана. Хоёрдугаарт, хэрэв та боловсролын тоглоом болоод толгой эргүүлэм логик асуудалд нэг их сэтгэл татагддаггүй бол, “Running Sheep: Tiny Worlds” нь таньд давтагдмал, тоглоомын гол өрнөл нь тоглоомын явцад ер өөрчлөгдөхгүй байгаа мэт санагдана. Хэдийгээр нэг л түвшний хэцүүгийн хувилбар байгаа боловч тоглоом хялбархнаас эхэлж улам хэцүү рүү явна. Эцэст нь эхний хэсгээ бодоход тоглоомын удирдлага нэлээд өөрчлөгдсөн байх болно. Одоо, бүхий л үйлдэл тухайлбал байршуулалт, эргүүлэлт болон заагуурыг нураах зэрэг нь үеүүдийн туршид зүүн товчлуур дарж гүйцэтгэгдэнэ. Хэрэв та хуучин удирдлагад дассан бол энэ шинэчлэл нь таньд нэг их тохиромжтой санагдахгүй, гэвч миний бодлоор дасахад нэг их хэцүү биш санагдах юм.

Ерөнхийдөө, “Running Sheep: Tiny Worlds” тоглоом таны анхаарлыг татах нь гарцаагүй. Энэ нь нэг амьсгаагаар дуусгах боломжгүй тоглоомнуудын нэг бөгөөд нэлээд хөгжилтэй, бас дахин тогломоор санагдана. Хэрвээ та үнэхээр ухаан сорьсон тааварт дуртай бол “Running Sheep: Tiny Worlds” яг л таньд хэрэгтэй нь байна! Сайхан зугаацаарай!