Анхандаа харахад “Mystic Diary: Missing Pages” тоглоом нь гайхалтай өрнөл, сонирхол татам дэлгэцийн агшин, хялбаршуулсан гарын авлага зэрэг нь үнэхээр сайхан сэтгэгдэл төрүүлсэн. Тун удалгүй энэ бүх давуу талууд нь замхран одож, сул талууд нь ихээр харагдаж эхлэв.

Түүхээс нь эхлэхэд та өөрийн ах Густавыг мөрдөх бөгөөд тэрээр энэ тоглоомын гарчиг болох ер бусын тэмдэглэлийн дэвтрээр аймшиг тарьж байгаа юм. Таны ах хэдийгээр муу биш боловч тоглоом нь өөрөө таны сэтгэлийг нэг их хөдөлгөөд байхгүй. Таныг түлхэж, сэтгэлийг тань өдөөх юу ч байхгүй. Цаашлаад тоглоом мөн тийм их ухаан сорьсон биш, яагаад гэвэл тоглоомын замын алхам дутамд таныг тэрээр барих болно. Бүхий л цаг үед асуугдахад хэн дуртай байх вэ?

Тоглоомын явц нь энд дар, тийшээ яв, үүнийг нэм гэх мэт маш олон тооны уйтгартай заавар бүхий хөгийн юм болдог. Замын турш хэд хэдэн нууцлаг обьектийн үзэгдэл, таавар бий. Аз болоход нууцлаг обьектийн үзэгдэл нь нэг овоолсон хог шиг бус, ухаалгаар обьектуудаа нуусан байсан. Мөн энэ нууцлаг обьектын үзэгдлүүдийг бага зэрэг интеракшн маягаар сайхан хийжээ. Таавар нь хэтэрхий хүнд биш болохоор сайхан санагдсан. Ямар ч байсан тоглоомын явцад бол сэтгэл хөдөлгөх зүйлгүй. Иймэрхүү сонин тоглоомноос болж та цагаа үрэх шаардлагатай гэж үү?

Хэрэв та “Nancy Drew” гэх мэт адал явдалт тоглоомд дуртай бол “Mystic Diary: Missing Pages” тоглоомны зураглалд та дуртай байж болох юм. Тэд хуучны маягийн 3-D график шиг харагддаг. Үүнд нь цөөхөн хүмүүс л дуртай байдаг шүү дээ.

Бүхэлд нь хэлэхэд “Mystic Diary: Missing Pages” тоглоом цөөхөн хүнд л таалагдаж болох юм. Мэдээж хэрэг энэ нь хамгийн муухай тоглоом биш ч гэсэн, бидний найдаж байсан чанарт ерөөсөө хүрсэнгүй. Хэрэв бидэнд энэхүү ядаргаатай гялалзсан зүйл, зогсоо чөлөөгүй зааварлах явдал байгаагүй бол арай илүү ч байсан байж мэдэх юм.