Бидний хамгийн анхны хэлэх зүйл бол анхааруулга. Таны буруу тийшээ явчихаасай гэж бид хүсэхгүй байна. “Mysteries of the Undead: The Cursed Island” бол хөдөлгөөнт тоглоом биш, энэ бол адал явдлын болон тааварт тоглоомны элементүүдийг бага зэрэг оруулсан Нууцлаг Обьектийн тоглоом. Тиймээс та тоглоомын аажуу явцад бэлтгэгдэх хэрэгтэй. За тэгвэл өрнөл рүү нь сэдвээ сольё. Энэ бол зомби ертөнцийн хуулбар гэхэд бараг л тохирно. Анхандаа нэгэн арал жуулчдын диваажин гэж олны анхаарал татдаг байв. Гэтэл нэг өдөр энэ нь сүйрчээ. Арлын оршин суугчид зомби болж хувирч эхлэв. Захиргааныхан юу хийхээ мэдэхээ больж эцэст нь мэргэжлийн хүмүүсийг дуудахаар болов. Урьсан баг нь эрдэмтэн зөвлөөч, цэрэг, ахмад зэргээс бүрдсэн тусгай баг байв. Та бол энэ багийхан дунд ямар нэг байдлаар гишүүн нь болоод орчихсон залуу эмэгтэй Евагийн дүрд орно. Таны даалгавар бол энэ харамсалтай явдлын шалтгааныг олж, аль болох боломжит хугацааны дотор удирдан зогсоох ёстой. Харамсалтай нь танай багийхан онгоцны сүйрэлд өртөв. Харин та ганцаараа эрэг дээр сэржээ. Таньд үлдсэн цор ганц багаж нь компас бөгөөд радио чинь эвдэрсэн бөгөөд бүгд сүйрлийн дараа алга болжээ. Таны адал явдал луужингийн зүү зааж байгаа газраас эхлэх ёстой. Хэд хэдэн газрыг та нэгжих бөгөөд таны эд агуулахын сан нь ямар нэг хэрэгтэй зүйлс олдох боломжтойг илтгэнэ. Эдгээр зүйлс нь янз бүрийн бусад зүйлсэд интерактив байдлаар харилцан тохирох аж. Энэ нь тийм ч хачирхалтай эд биш, жишээлбэл: цоожтой хаалга нь таныг дараагийн байршилд шилжих боломж олгоно, механизмын ямар нэг байдлаар холбоогүй хэсгүүд нь угсарах ёстой гэсэн үг гэх мэт. Очоогүй газрыг газрын зураг дээр тань тэмдэглэсэн байгаа. Газрын зураг дээрээс бүрэн гүйцээгээгүй талбар руугаа шууд шилжих боломж олгоно. Замдаа та бас зарим нэг таавар болон мини-тоглоомтой тулгарна. Таньд тэдгээр нь нэг их хүнд сорил болохгүй. Тэдний ихэнх нь энгийн зарчимд үндэслэсэн байх бөгөөд ямар нэг зүйлсийн дарааллыг санах, хэд хэдэн нүүдэл хийж түгжээтэй зүйлсийг онгойлгох гэх мэт. Тэднийг ялахын тулд та гоц ухаантай байх шаардлагагүй. Хэрвээ энэ оньсогыг тааварлаж чадахгүй, дургүй хүрэх юм бол алгасах товчлуур дарах боломж хэзээд байгаа.

Харамсалтай нь график толилуулга нь сул болжээ. Хэдийгээр нууцлаг обьектийн үзэгдэл нь сайн нарийвчлалтай хийгдсэн боловч бусад байршлуудыг нь үнэхээр тарамджээ. Дүрийн хөдөлгөөн нь модон бас сайн илэрхийлэмж байхгүй. Суурь хөгжимний сонголт нь тохиромжгүй байна. Дэлхийн хамгийн тэвчээртэй тоглогч ч гэсэн хэдэн стандарт аялгууны давталтыг сонсоод тэсээд байж чадахгүй байх. Тийм болохоор харагдац, дууны эффект хоёр нь тоглоомын дундаж дүн бараг л авч чадахгүй болов уу.

Дүгнэж хэлэхэд дахин тоглоод байх тийм ч үнэ цэнэтэй биш ч дажгүй энгийн Нууцлаг Обьектийн тоглоомыг санал болгож байна. Хэдэн секунд тоглосныхоо дараа шууд л устгаж хаядаг тоглоомнууд байдаг. Харамсалтай нь “Mysteries of the Undead: The Cursed Island” тоглоомд оноо өгвөл иймэрхүү төрлийнх болж байх шиг байна. Хэдий гунигтай боловч яах аргагүй үнэн.