Эхлээд хэлэхэд тоглоомын явцад үнэхээр хөгжилтэй, бас маш чухал түүхийг тоглоом зохиогчид олсон байна. Өөрийнхөө сахилгагүй хүүхдүүдэд мөнгө модноос ургадаггүй гэдгийг харуулахын тулд гол дүрийн эцэг нь хүүхдүүддээ мөнгөний талаар заах онцгой аялал захиалчихсан байна. Заль мэхийг нь таамаглалгүйгээр хүүхдүүд усан онгоцон дээр сууж халаасандаа сохор ч зоосгүй хаягдсан арал дээр хүрэлцэн ирнэ. Тиймээс таны даалгавар бол Кэйт, Боб хоёрт өөрсдийнхөө амьдралын төлөө ажиллах нь ямар чухал болохыг ойлгуулж, буцах билет худалдаж авахын тулд мөнгө олох гэж нутгийн баранд зөөлөн ундаа заруулах хэрэгтэй болно. Цөөн хэдэн үеийн туршид та хүүхэлдэйн киноны стилээр зурсан богино үзэгдлүүдийг харах бөгөөд үүгээрээ гол дүрүүдийн эцгийн зальтай төлөвлөгөө хэрхэн хэрэгжсэн болохыг үзнэ. Ямар ч дуу оруулга байхгүй бөгөөд үзэгдлүүд нь гайхалтай хийгдсэн болохоор та ийм зүйл байхгүй байгааг ч ухаарах сөхөөгүй өнгөрнө.

Үнэнийг хэлэхэд тоглоомын тоглох явц нь иймэрхүү төрөл жанрт байдаг л хэвийн эд болох нь батлагдсан боловч хэд хэдэн таалагдмаар сайжруулалт хийсэн харагддаг. Юуны түрүүнд бэрхшээлийн хоёр үе байх бөгөөд мөн сайхан хийгдсэн алгасаж болох тусламжын заалт ч бий. Хоёрдугаарт, агуулахын сайжруулалтын ихэнх нь шууд л боломжтой болох бөгөөд харин илүү дээд түвшний үеийнхэнд гарч ирэх өөр зүйлсийн сайжруулалт л ингэх боломжгүй юм. Эдгээр дээд түвшний сайжруулалт нь нэг нэгээрээ гарч ирнэ. Жишээлбэл хоёр, гурав, эсвэл илүү олон жимсний бут гэх мэт. Өөрөөр хэлбэл тоглоомын эхнээс л та тавилганыхаа зарим хэсгүүдийг шууд сайжруулах боломжтой бөгөөд үүнд барны тооцооны хэсэг, шал, ширээ, сандал болоод уух юмны үйлдвэрлэлтэй холбоотой зарми хэсгүүдийн үйл ажиллагааг ч сайжруулах боломжтой. Жишээлбэл Кэйтийн эд хогшлийн багтаамжыг тэлэх, Бобд дахин нэг хоол зөөх тавиур худалдаж авах, холигчийг хурдасгах, дахин нэг анарын бут худалдаж авах гэх мэт. Таны харж байгаатай адил таньд ямар замыг сонгох талаар маш их хэмжээний боломж байгаа бөгөөд бүх зүйлийг худалдаад авчих хэмжээний хангалттай мөнгө байхгүй гэдгээ санаж, энгийн үеүүдэд ч гэсэн сайн тэвчээр зааж алхам алхмаар хөгжүүлэх хэрэгтэй. Үеийн явцаас цуглуулсан мөнгөнөөсөө сайжруулалт хийнэ гэдгээ санах ёстой. Яагаад гэвэл муу эхлэл таны бүхий л тоглоомын явцыг муутгаж, үеэ ахиж дэвшихдээ хүртэл улам л үр дүнгүй болж хувирна. Үүний үр дүнд, хэдий тоглоомын явц сайн байсан ч тархиа гашилгаж, хэнд эхэлж үйлчлэх вэ, юуг худалдаж авах юм бол үр ашгаа алдалгүйгээр сайн комбинаци хийж чадах вэ гэх зэргээр тоглоомоо нэлээд бэрхшээлтэй гүйцээнэ.

Мөнгөөр сайжруулалт худалдан авснаар өөрийн бараа сайжруулах цорын ганц боломжтой гэж бас хэлж болохгүй. Сүүлчийн үеүүдэд нь тодорхой тооны мөнгө олохын тулд хичээнгүй ажиллах гол зорилгоос гадна, өдөр бүхэн солигдох хоёр дах зорилго гэж бас бий болно. Жишээлбэл, нэг мөрөнд суусан хэд хэдэн үйлчлүүлэгчид менюгээр үйлчлэх, эсвэл гурван салют буудуулах гэх мэт үүрэг хүлээж болох юм. Мэдээж хэрэг таны өмнө тэвчээргүй үйлчлүүлэгчдийн очер бий болоод байхад ийм заль хэрэглэнэ гэдэг бэрхшээл төвөгтэй хэрэг санагдана. Үйлчлүүлэгчдийн зан чанарыг муутгахгүйгээр хоёр дахь зорилгодоо хүрнэ гэдэг бараг л боломжгүй учраас та юуны түрүүнд цагаа ухаалгаар ашиглахын тулд юуг чухалчлах вэ гэдгээ тогтож, бүх зүйлийг алдахгүйн тулд хичээх ёстой. Гэхдээ ингэж оролдох нь гарцаагүй үнэ цэнээ өгөх болно, надад итгээрэй. Нэмэлт даалгавар гүйцэтгэнэ гэдгийг хамгийн чухал нь та алтан зооснууд олж чадах төдийгүй үүгээрээ нутгийн ховор эдлэлийн дэлгүүрээс шидэт зүйлсийг худалдаж авч болно. Энэхүү үнэт эдлэл гэж нэрлэгдэж байгаа зүйлс нь хөдөлгөөнийг хурдасгах, хүмүүсийн зан чанарыг засах гэх мэт олон боломжыг авчирах бөгөөд таны харж байгаатай адил эдгээр нь үнэхээр хэрэгцээтэй зүйлс ч байж болох юм.

Ямар ч байсан, хэрэв та эхний оролдлогоороо нэмэлт даалгаваруудыг биелүүлж чадахгүй байгаа бол таньд дахин тоглох боломж өгөгдөх болно. Үнэндээ та “Dinner Dash” мэтийн тоглоомонд надтай адилхан дуртай бол “Katy and Bob: Way Back Home” тоглоомыг тоглох хором бүр тань таньд сайхан санагдах нь гарцаагүй бөгөөд үеийг хичнээн давтсан ч таньд хамаагүй мэт санагдах биз. Энэ сонирхолтой түүхийн төгсгөлийг мэдэх гэсэн хүслээс гадна та бүхий л боломжтой сайжруулалтыг нь худалдан авч, бүхий л үйлчлүүлэгчидтэй сайхан харилцаатай болох хүртлээ дэлгэцнээс өөрийн нүүрийг хөдөлгөж чадахгүй болтлоо татагдаж мэдэх юм. Хажуугаар нь хэлэхэд үйлчлүүлэгч бүр өөрийн гэсэн онцлогтой. Настай хүн, жишээлбэл, бараг л дуусашгүй тэвчээртэй бөгөөд шумбагчид болон залуу охидууд эсрэгээр нь маш тэвчээргүй, уцаартай. Гитартай залуус нь хэдийгээр дэндүү залхмаар боловч тэднийг гарсны дараа бүхий л үйлчлүүлэгчдийн зан чанар нь хамгийн эерэг өндөр хэмжээнд хүрдэг гэх мэт.

Шинэчлэлийн талаар ярихад хэрвээ та комбинаци гүйцэтгэх юмуу эсвэл зүгээр л үйлчлүүлэгчдийн зан чанар нь өөрчлөгдөж уцаарлахаас нь өмнө бүхий захиалгыг хийж дуусгах юм бол та янз бүрийн хэмжээний хайрын зүрх хүлээж авах болно. Эдгээр зүрх нь галын наадам хийх гэх мэт үйлчлүүлэгчдийн сэтгэлийг хөдөлгөх зүйлс бөгөөд тэднийг шалан дээр мөнгөө хаяхад хүргэнэ. Өөрийн гэсэн онцлог шинжтэй янз бүрийн дүр төрх, ухаалаг сайжруулалтын систем зэрэг байх төдийгүй галын наадам нь таньд өөрийн стратегиэ боловсруулах гайхалтай боломж өгдөг. Яагаад гэвэл үүнийг бараа дүүргэж мөнгө олохын тулд бас үйлчлүүлэгчид уцаарлаж явахыг нь болиулах гэсэн хоёр зорилгоор хийж болох юм. Нэмж хэлэхэд нэлээд хөгжилтэй мини-тоглоом мөн байх бөгөөд саяхан iPad тоглоомд зориулж гаргасан дэлгэцэн дээр нисч байгаа шүүстэй жимснүүдийг цавчих “Fruit Ninja” тоглоомтой төстэй санагдана. “Katy and Bob: Way Back Home” тоглоомд та зүгээр л тэднийг барьж аваад коктайл хийж, нэмэлт мөнгө олж болох юм. Энэ бүхэн дээр нэмээд хамгийн сүүлчийн үеүүдэд байх сармагчин үйлчлүүлэгч бүхий онцгой талбар байх бөгөөд тоглоомыг улам гайхалтай болгоно.

Ерөнхийд нь дүгнэхэд гайхалтай мини-тоглоом, цоо шинэлэг санаачлага, сайхан хөдөлгөөн оруулалт, хөгжөөнтэй далайн эргийн хөгжим, чанартай 3D график зэргээрээ  “Katy and Bob: Way Back Home” нь яахын аргагүй тоглох ёстой тоглоом болжээ. Би эхэндээ нээлтийн үзэгдлүүд болоод хүүхэлдэйнх юм шиг дүр төрхнөөс нь болоод бага зэрэг урам хугарч байсан ч энэ бол цаашид амсах далай шиг зугааны дэргэд дусал мэт өчүүхэн зүйл байсан. Тийм болохоор үүнийг буруу ойлгох хэрэггүй. Хэрвээ та олон дардаг тоглоомонд дуртай, бас өөрийгөө сорихоосоо айхгүй бол “Katy and Bob: Way Back Home” нь таны хайж байсан зүйл гарцаагүй мөн байна!