“Phenomenon: City of Cyan” гэх тоглоомтой нэлээд төстэй “Howlville: The Dark Past” нь таныг зоригтой охины дүрд хувирган алга болсон эцэг эхээ хайх аялалд гаргана. Тоглоом хэдийгээр нэлээд удаан хугацаанд явагдах боловч таныг уйдаахгүй. Гол дүр нь маш ухаалаг, бас шаргуу бөгөөд тоглоомын явц нь нэлээд шат дараатай өрнөж, гэнэт санаандгүй байдлаар үзэгдлүүд нь явагдах учраас тоглоомыг улам сонирхолтой болгожээ.

Тоглох өрнөлийн хувьд “Howlville: The Dark Past” тоглоом “Casual” болон “Expert” гэсэн хоёр хувилбартай. Үнэндээ “Casual” хувилбарт нь ч гэсэн тоглоом нь дундаж тоглоомноос хамаагүй илүү цогц бөгөөд хэрвээ та татан авах гэж шийдсэн бол янз бүрийн саад бэрхшээлд бэлэн байх ёстой. Мини-тоглоом нь ихэнх хэсэгтээ оргинал биш ч гэсэн, маш хөгжилтэй, бас ухаан сорьсон. Ихэнх нь мини-тоглоом нь таныг гүнзгий бодохыг шаардах бөгөөд тэднийг алгасахгүй байсан нь дээр шүү.

Нууцлаг обьектийн үзэгдлүүд нь ерөнхийдөө ямар нэг өө сэвгүй. “Ерөнхийдөө” гэж хэлсэн шалтгаан нь хэдийгээр маш олон тооны интерактив болоод ухаалаг хийгдсэн нууцлаг обьектийн үзэгдлүүдтэй боловч зарим нь суурь өнгөтэйгээ уусчихсан санагдсан. Энэ нь дандаа тийм байдаг гэсэн үг биш. Харин бид нэг нууцлаг обьектийг тусламжын товчлуур дараад ч олоогүйдээ их ичсэн шүү!

График нь төгс биш боловч нэлээд сайн зурагдсан, нүдэнд аятайхан. Суурь хөгжим нь харамсалтай нь дэндүү залхмаар, давтагдсан байдалтай байв. Тиймээс бид тоглохдоо унтраагаад тоглосон нь дээр гэж зөвлөх байна. Тэгэхгүй бол тоглоомыг утгагүй болгоно. Тоглоомын уур амьсгалын хувьд “Howlville: The Dark Past” нь “Phenomenon: City of Cyan” тоглоомноос илүү тайван талдаа, гэхдээ орондоо орохын өмнө тоглоод хэрэггүй шүү.

Ерөнхидөө “Howlville: The Dark Past” тоглоом олон тооны нууцлаг обьект бүхий тоглоход ер алзахгүй, гайхалтай сэдэв, ухаалаг таавар бүхий. Хэрвээ ухаанаа сорьж үзэхийг хүсвэл оролдоод үзсэн нь дээр. Сайхан өдрийг өнгөрүүлээрэй!