Юуны түрүүнд тодорхой харагдаж байгаа зүйл нь урьдны бүтээлтэйгээ харьцуулахад “Heaven & Hell” нь маш дундаж, байдаг л графиктай гурвыг тохируулах тоглоом болжээ. Таавар нь энгийн бас нэг л хэвийн, бөгөөд цагийн хязгаарлалт байхгүй бөгөөд хөлгийн тоглоом нь маш том болохоор та цаг хугацааг үрэхийн тулд нэг л үйлдлээ дахин давтан хийсээр байгаад бүх хавтанг нь зайлуулах ёстой болно. Бид иймэрхүү маягийн тоглоомыг сэтгэл амраасан, бодуулсан тоглоом гэж нэрлэж болох авч тоглоомын явц, график, суурь хөгжим зэрэг нь энэ тодорхойлолтонд ер нийцэхгүй.

Нэн тэргүүнд графикийн талаар ярилцъя. Дээр өгүүлсэн шиг энэ нь амраасан сайхан тоглоомд ер тохирохгүй, гэхдээ дээр нь нэмээд дахиад асуудал байгаа. Та урьд нь ер нь ашгийн бус интернетэд хөтөчд зориулсан аймшигтай муухайн фонотой, бараг л “Microsoft Paint”-р зурсан юм шиг тоглоом тоглож байв уу? Хэрэв тийм бол яг л адилхан гэж төсөөл, зөвхөн сүүлийн үе шатуудад нь диваажин болон там шиг зүйлсийг харж мэдрэх болно. За ямар ч байсан тоглоомын явц нь сайхан байсан бол бид энэхүү графикийн алдааг зүгээр л зохиогчын онцгой стил гэж ойлгоход болох байв. Гэвч тоглоомын явц нь үнэндээ тоглоомын харагдацаас илүү аймшигтай муухай болжээ.

Нэмж хэлэхэд, маш олон тооны бонус байгаа бөгөөд тэд тун багахан тусламж үзүүлнэ. Тоглоомын хөлгийн хэмжээг харвал есөн ширхэг нүдийг дэлбэлдэг бөмбөг гэдэг бол бараг л хэрэгцээгүй юм шиг. Нэг мөр болоод нэг баганыг устгадаг хэрээс буудалт нь бараг л хэрэгцээгүй гэж хэлэх хэрэг байна уу. Цаашлаад шагнал өгөх систем байгаа боловч цомуудыг маш амархан өгөх бөгөөд эхний үед л гэхэд та дөрвийг олоод авчихна. Үүний үр дүнд хэдийгээр сонирхолтой санаа болон гайхалтай сэдэвтэй боловч тоглоом энгийн бас ямар ч амтгүй болохоо харуулна.

Эцэст нь хэлэхэд маш аймшигтай суурь хөгжим байгаа бөгөөд шууд хэлэхэд толгой өвтгөнө. Үнэнийг хэлэхэд нэг цаг тоглоод л бид залхсан бөгөөд цаашаагаа дургүй хүрсэн. Хэдийгээр та гурвыг тохируулах тоглоомд дуртай байсан ч бид таньд энэ “Heaven & Hell”-г тогло гэж санал болгохгүй. Яагаад гэвэл үүнээс илүү сайхан тоглох тоглоом захаас аваад “Safari Quest” гэх мэт байгаа. Амжилт хүсье!