Тоглоомын төрөл нь адал явдлынх бөгөөд “ERS Game Studios”-н бусад тоглоомноо хамаагүй илүү интерактив маягтай. Тоглоомын хөгжүүлэгчид нь голдуу нууцлаг обьектийн төрлийг гаргаж мэргэшсэн боловч энд тэд өөрсдийн уламжлалт хэв маягаас гарч, ямар ч нууцлаг обьектийн даалгаваргүй зүйл хийсэн нь энэ төрлийн хорхойтнуудын урмыг нь хугалсан гэлтэй. Гэхдээ нэг их урам хугараад холдохгүй, яагаад гэвэл бүхий л цаг үед толгойд чинь эргэлдэхээр гайхалтай тоглоом болжээ. Тоглоомын явцад та өөрийн агуулахаасаа зарим нэг зүйлсийг олж авах бөгөөд зарим нь шууд хэрэглэх боломжтой бол зарим нь нэлээд хугацаанд хадгалж явах шаардлагатай болно.

Тоглоомын явцын хувьд энэ бол нэг их удаан тоглох эд биш. Бүх үеийг нь дуусгахад хоёр цаг л хэрэгтэй. Тоглоом илрүүлэх ёстой маш олон байршилтай. Хэдийгээр тусламж болох газрын зурагтай боловч зураг нь нэг газраас нөгөө рүү үсрэн шилжих боломж олгохгүй. Тийм болохоор ямар нэг юм мартсан тохиолдолд буцах зайлшгүй шаардлагатай болох нь маш их тухгүй болгоно. Тоглоомд олон тооны таавар байгаа бөгөөд ихэнх нь маш хялбархан. Мэргэшлийн хувилбарт нь ч ялгаагүй амархан байдаг.

“Gothic Fiction: Dark Saga” тоглоом дахь хөгжим нь Годик төрлийн тоглоомд тохирохгүй боловч бусад өөр тоглоомууд шиг нэг их залхаахгүй. Суурь хөгжим нь хашхирах, далайн давалгаа, салхи зэрэг байх боловч тоглоомын уур амьсгалд маш сайн тохирчээ. Түүнчлэн “ERS Game Studios” нь жинхэнэ жүжигчдээр дуу оруулуулсан учраас аймшигтай уур амьсгалыг улам нэмж, бүх цаг үед уншаад байх шаардлагагүй болгожээ. Тоглоомын хөгжүүлэгчид хамгийн аймшигтай тоглоомуудын нэгийг бүтээсэн сайхан ажил хийжээ. Хэд хэдэн удаа та магадгүй суудлаасаа үсрэн босож мэдэх юм.

График нь маш цэвэрхэн, үзэсгэлэнтэй хийгдсэн бөгөөд хөдөлгөөн нь гайхалтай, бүх зүйл нарийвчлан хийгдсэн болохоор түүхэнд нь төгс сайн тохирсон байдаг. Нээлтийн үзэгдэл болоод хөдөлгөөн нь гайхалтай, цаашлаад график нь ч шилдэг болжээ.

“Gothic Fiction: Dark Saga” нь үнэхээр онцгой зугаа цэнгэлийн үйлдвэр болжээ, зүгээр л тоглоод үз.