Түүх нэг зохион бүтээгч эргэлзээтэй, сонин байдлаар үхсэнээр эхэлдэг. Туршлагатай мөрдөгчийн хувьд та түүний амьдардаг харшнаас ямар нэг эд мөрийн баримт олж, үйлчлэгч нарыг байцааснаар гэмт хэргийн суурь мэдээллийг олж авна. Тоглоомын өрнөл 1970 оныг үеийг харуулсан бөгөөд эд хэрэгсэл, нөхцөл байдал нь ч тухайн үед бүрэн нийцжээ. Хэдийгээр үзэгдлийн өрнөл нь толгой эргүүлэм орооцолдсон мэт боловч зүй тогтолыг нь олж тоглож болох юм байна.

Ялангуяа нууцлаг обьектийг үзэгдлүүд нь төгс хийгдэж, тухайн обьектуудын дийлэнх нь тухайн орчин, цаг үедээ маш сайн тохирчээ. Та үзэгдэл тус бүрийн амьд мэт зураглал, гэгээлэг байдлыг биширнэ. Графикийн хувьд  Entwined: Strings of Deception нэлээд хуучин, магадгүй тав зургаан жилийн өмнөх тоглоомноос авсан юм шиг санагдсан. Ямар ч байсан энэ “хуучинсаг” загвар нь сэтгэгдэл төрүүлж, тоглоомын уур амьсгалд өнгө нэмжээ. Дизайн нь гайхалтай бөгөөд маш өнгөлөг. Нууцлаг обьектийн үзэгдлүүд нь байнга л маш тодорхой харагдсан. Жаахан эмх цэгцгүй гэж хэлж болох ч бүдэг, эсвэл бүрэлзсэн биш.

Тоглоомыг их гүн сэтгэж, бас сайн зохион байгуулсан. Юуны түрүүнд очих ёстой байршлуудыг нь харуулж, хэрхэн тэнд хүрэх санааг өгсөн чухал газрын зураг байна. Мөн, нууцлаг обьектийн таавар тайлахад туслаад зогсохгүй дараагийн алхамд юу хийх хэрэгтэйг мэдүүлэх сайн тусламжын систем ч хийжээ (энэ нь магадгүй дэндүү өгөөмөр мэт санагдаж болох юм).

Харин дуу оруулалт нь сайн болсонгүй. Үүнээс болоод дүрүүдийн ярьж байгаа нь дургүй хүргэж, тэдний хоорондоо ярилцахыг нь хүлээх боломжгүй болгож байна. Үүнтэй холбоотой суурь хөгжим нь ч уйтгартай, гэхдээ бас залхмаар ч биш юм.       

Ерөнхийд нь дүгнэхэд Entwined: Strings of Deception ер бусын тоглоомны төрлийн шаардлагыг хамгийн төгс хангасан, хэв маяг, график нь ч сайн бүтээгдсэн, сайхан тоглоом. Энэ гайхалтай бүтээлээс болж таны амралтын өдрүүд завгүй байх боломжтой болжээ.