Яг л бусад цагийн менежментийн тоглоомтой адил “Dead Hungry Diner” 50-н үе болоод хоёр өөр түвшингийн хэлбэртэй. Тоглоомын өрнөл нь таван ялгаатай байршилд явагдах бөгөөд таныг хэр зэрэг мөнгө олохоос шалтгаалан янз бүрийн үнэлгээтэйгээр үеэ дуусгаж болно. Рестароны сэдэвтэй цагийн менежментийн тоглоомоос ялгаатай нь “Dead Hungry Diner” тоглоомд зөвхөн ганц хоол “тархи жимс” санал болгоно. Анх харахад тоглоом нэг л танил санагдсан. Зочид бүлэг бүрээр суулган тэднийг тэвчээртэй хүлээлгэж үйлчлэх хэрэгтэй бөгөөд үйлчлүүлэгчдийн төрөл нь ялгаатай учир тэдний заримдаа нэгнийхээ хажууд суух дургүй байгаа нь харагдана. Тун удахгүй л хоорондоо ярихгүй болоод эхэлнэ!

Цэсийн багасалт нь тоглоомын гол динамикийг өөрчлөх нь  тодорхой! Шившлэг хийх ур чадвараас болоод та өөр стратеги дагах шаардлагатай болно. “Dead Hungry Diner” тоглоомын явц нь маш хурдан боловч биднийг залхаах юмуу дургүйцэл төрүүлэхгүй. Яагаад гэвэл та үйлчлүүлэгчдийн тэвчээртэй байдал дээр нь үнэхээр анхаарал тавих хэрэгтэй болно. Цухалдсан бас сагсуу зантай зомби, вампир зэрэгт аль болох анхааралтай үйлчлэх хэрэгтэй. Тэгэхгүй бол та нэлээд хэцүү зөрчилд орох болно!

Зураглалын хувьд “Dead Hungry Diner” зүгээр бөгөөд эдгээр ёрын амьтдын хөдөлгөөн нь сэдэвтээ төгс тохирсон төдийгүй хөгжим нь ч сайхан болжээ. Мэдээж түүх нь урьдчилан таах боломжтой бөгөөд тоглоомын сэдэвт тохирсон шогч байдал болоод дүрүүд нь сэтгэл хөдөлгөм санагдсан.

Дүгнэн хэлэхэд “Dead Hungry Diner” нь шинэ төрлийг бүтээсэн бус цагийн менежментийн төрөл нь амьд, сайн хэвээрээ байгааг л баталж байгаа юм. Тохиргоо болоод тоглоомын үндсэн өрнөл нь маш танил бөгөөд харин шинэ гарчиг нь шинэ соргог мэдээ болж чаджээ. Амжилт хүсье!