Шоун дээр үндэслэсэн учир тоглоомын санал болгож буй түүх нь яг л адилхан FBI-н Зан төлөвийн Шинжилгээний Алба болоод гэмт хэргийн түүхийг судлах элит багийнхны тухай өрнөнө. Та тэдэнтэй нэгдэж, аймшигтай цуврал хэргийн учгыг тайлж, нууцлагдсан гэмт хэрэгтнийг илрүүлнэ. Хэдэн мянган гэмт хэргийн газар шинжлэх үзэгдэл, нүдэн гэрч бас сэжигтнийг байцаах, нотолгоог шинжлэх зэргээр хэргийг тодорхойлно. Сайн танигдсан түүхийн өрнөл ашигласан болохоор Legacy Games-хан ямар нэг толгой эргүүлэм зүйл нэмэх хэрэггүйгээр бэлэн байгаа материалыг зөв арга замаар л тоглуулсан.

Тэд үүнийг сайн хийж чадсан ч гэсэн зарим нэг бэрхшээлтэй зүйл байна. Criminal Minds нь гарцаагүй шинэ нууцлаг обьектийн төрлийн бүтээл боловч үнэндээ яг л таван настанд зориулсан тоглоом болжээ. Зураглал нь тийм ч цэвэрхэн, өнгөлөг бус бөгөөд бид ийм зүйлсийг сүүлийн үеийн ямар ч тоглоом дээрээс харж болно. Үзэгдлүүд нь байнга л бүдэг, заримыг нь бүр дэндүү болхи хийчихсэн. Гэвч ийм төрлийн галзуу хорхойтнууд бол гол дүрийн сайн зураглалыг хараад тайвширч болох юм. Тэдний ихэнх нь яг л оргиналь шоу шигээ харагдаж байна!

Нууцлаг обьектийн үзэгдэл нь дэндүү нягтаршуулагдсан боловч бас сонирхолтой, онцлог болжээ. Мэдээж хэрэг Criminal Minds нь зүгээр л эвлүүлдэг таавар зэрэг энгийн зүйл хийгээд зогсохгүй бас хүмүүстэй ярилцаж, шинэ даалгавар авах, зарим нэг учиг олох зэргээс нь харвал сайн интерактив тоглоом болох нь харагдана. Тусламжын систем нь сайн ажиллаж байгаа бөгөөд яг л хялбаршуулах гарын авлагатай адил байна. Хэрвээ та ямар нэг даалгавар авах юм бол шууд л нарийвчлан жагсаасан заавар өгөгдөх бөгөөд үүгээр янз бүрийн буруу үйлдэл хийж, төөрөхгүй байх боломжтой юм.

Тиймээс хэрэв та энэ телевизийн шоуны галзуу хорхойтон бол энэ шинэ нууцлаг обьектийн тоглоом Criminal Minds тоглож, маш олон гэмт хэрэг судлан, хэрэгтнийг илрүүлэх боломжыг битгий алдаарай. За, гайхалтай мөрдөгч таньд амжилт хүсье!