Үнэнийг хэлэхэд “Coronation Street” телевизийн цувралыг сайн мэдэхгүй болохоор би анх удаа энэ тоглоомны талаар сонсохдоо тоглогч гал тогоогоор нэг тархсан хоолны орцыг олох даалгавар авч, дараа нь ер бусын хоол бэлтгэх бас нэг тогоочийн сэдэвтэй HOG гэж бодсон. Харин тэгтэл тийм байсангүй. “Avanquest Software”-с хамгийн сүүлд гаргасан энэ бүтээл 1960-аад онд цацсан Английн алдартай телевизийн цуврал, одоо бараг 7000 гаруй бүлэгтэй болсон “Coronation Street” дээр суурилсан түүхтэй. Тоглоомын гол зорилго нь Беттид өөрийн алдсан хоолны жороо олох туслах зорилготой гэдгийг та бараг таасан биз ээ. Гэвч энэ нь бүхий л түүхийн зүгээр л жирийн нэг хэсэг. Телевизийн цувралтайгаа бараг л адил тоглоом хэд хэдэн дүрийн гэр бүлийн асуудлыг онцгойлон харуулах бөгөөд тэд тус бүр таны тусламж хэрэгтэй болно. Харилцан яриа нь нэлээд сайн бичигдсэн боловч алгасах боломжтой, кинотойгоо нэлээд адилхан хийгджээ. Харамсалтай нь тоглоомыг тоглох явцад ямар ч дуу оруулга байхгүй бөгөөд үйл явдлын талаар олж мэдэхийн тулд та маш их хэмжээний текст унших хэрэгтэй болно. Түүх нь удаанаар явагдах боловч, нэлээд бодит амьдралтай мэт санагдана. Үнэндээ “Coronation Street: Mystery of the Missing Hotpot Recipe”-г тоглох нь телевизээр гаргасан гол дүрийн хүний өдөр дутмын амьдралын тухай хэд хэдэн бүлгийг нь үзсэн мэт болно. Хэрэв та “Coronation Street”-г сайн мэддэг бөгөөд кинонд дуртай байсан бол тоглоом таны урмыг хугалахгүй, яагаад гэвэл тоглоом таныг дуртай дүртэйгээ уулзах боломжыг гаргаад зогсохгүй, дуртай Английн хотынхоо онцлог уур амьсгалыг мэдрэхийг бас олгоно.

Тоглоомын явцын хувьд, “Coronation Street: Mystery of the Missing Hotpot Recipe” бол сонгодог нууцлаг обьектийн төрөл бөгөөд олон тооны нууцлаг обьектийн үзэгдэл болоод стандарт таавраас бүрдэнэ. Өөрөөр хэлбэл тоглоомын ертөнцийг өөрийнхөөрөө судлах ямар ч боломж байхгүй. Бүхий л нууцлаг обьектийн үзэгдлүүд нь киноны үзэгдлээс хуулбарласан статик дэлгэц бөгөөд янз бүрийн хогуудаар бүрэн тоноглогдсон. Миний бодлоор энэ нь “House, M.D.”-н хачирхалтай дүр байдлаас нь болж арван таван минут тоглоод тоглоомыг орхихоос өөр аргагүй болсон тиймэрхүү янз бүрийн муухай зурагдсан фоноос хамаагүй илүү дээр. Хэдийгээр “Coronation Street: Mystery of the Missing Hotpot Recipe” тоглоомын өндөр резолюшн нь хүртэл тод, сайхан харагдах боловч графикийн чанарыг нь магтах хэрэгтэй гэж бодогдож байна. Гэвч хэд хэдэн доош нь чангаасан сул тал байсаар байна. Тухайлбал, харагдахаас илүү жижигхэн болгон хувиргаж буй хананы хүрээ байх бөгөөд байхгүй байсан бол илүү дээр харагдаж мэдэхээр байна. Мөн уцаар хүргэсэн визуал еффект харагдаж байна. Жишээлбэл, хэрэв та тусламжын товчлуурыг дарах юм бол дэлгэц нь хар цагаан болон хувирч, нууцлаг обьектийн нэг нь хэдэн секундын турш онцгойрч харагдана. Тиймээс та яг юу харагдаад байгааг нь анзаарч харахын тулд тодруулгыг нь зогсох хүртэл хүлээх хэрэгтэй болно. Олох ёстой зүйлс нь маш цөөн бөгөөд жагсаалт нь автоматаар бүрдэнэ. График нь нэлээд сайн учраас уур амьсгал нь нүдэнд дулаан, илүү их сэтгэл амраасан байх бөгөөд мөн сайн дуу оруулгатай болохоор “Coronation Street: Mystery of the Missing Hotpot Recipe” тоглоом хэд хэдэн алдааг нь тооцохгүй бол гайхалтай гэж хэлж болно. Нэгдүгээрт, тоглоомын явц болоод графикт нь шинийг санаачилсан тодорхой харагдахуйц амжилт харагдана. Хоёрдугаарт, таны олох ёстой ихэнх зүйлс нь бараг л харагдахгүй мэт. Тэдний зарим нь дэндүү жижиг, бусад нь фонын өнгөтэй адилхан байх юмуу эсвэл чимэглэлийн ард нуугдсан байх учраас тэдний өчүүхэн хэсгийг нь та харах боломжтой. Тэгэхлээр уг обьектийг бүхлээр нь таних боломжгүй гэсэн үг. Мөн нэвт харагдах өнгөтэй хэд хэдэн нууцлаг обьектийн үзэгдэл байх бөгөөд ханан дээр байгаа дүрстэй бараг л адилхан харагдах юмс, эсвэл суурь өнгөтэй бараг л ууссан өнгө бүхий зүйлс байна. Үүний үр дүнд тусламжгүйгээр үеийг давна гэдэг бараг л боломжгүй болж хувирна. Аз болоход тусламжын товчлуур нь маш хурдан сэргэх бөгөөд санамсаргүй дарснаас болж ямар нэг шийтгэл өгөгдөхгүй. Таавруудын хувьд бол нууцлаг обьектийн үзэгдэл шиг тийм их биш бөгөөд тэдний бэрхшээлийн түвшин ч адилхан. “Coronation Street: Mystery of the Missing Hotpot Recipe” тоглоомын бүх мини-тоглоомнууд нь нийтлэг боловч ямар ч заавар байхгүйг нь хараад миний урам бага зэрэг хугарсан.

Зөвхөн нэг л аялгуу үзэгдэл бүрийн дундуур байнга давтагдсаар байх бөгөөд тусламжын товчлуур дарахад ч ялгаагүй. Мэдээж хэрэг энэ нь нэлээд залхаамаар. Хүрээлэн буй орчны дуу чимээ нь олон төрлийн бөгөөд сайн. Нууцлаг обьектийн үзэгдэлд ямар нэг хөгжим байхгүй гэдгийг санах хэрэгтэй. Дээр дурьдсан шиг ямар ч дуу оруулга байхгүй. Харамсалтай нь ямар ч жүжигчин энэ тоглоомыг бүтээлцэхэд оролцоогүй бөгөөд энэ нь та телевизийн цувралыг харуулсан үзэгдлүүдийг шинжлэх шаардлагатай бөгөөд, янз бүрийн өөр дараалалд оруулсан зүйлс, шинэ харилцан яриагаар тоноглогдсон байна гэсэн үг.

Ерөнхийдөө хэрэв та “Coronation Street” телевизийн цувралыг мэддэг бол дуртай дүртэйгээ дахин уулзахдаа сэтгэл хангалуун байж болох юм. Сайхан харилцан яриа, хялбар, харьцангүй сайхан өрнөл болоод бодит фото график зэргээрээ “Coronation Street: Mystery of the Missing Hotpot Recipe” нь тоглогчдын дурыг булаах сайхан боломжтой болжээ. “Avanquest Software”-н хамгийн сүүлчийн бүтээл гэдгээр нь тооцож үзсэн ч гэсэн миний хувьд энэ тоглоомыг өдрийн савангийн дуурийн бүх хорхойтнуудад сайн тохирно гэж үзэж байна. Ялангуяа Кори болон түүний харилцан яриа, өрнөлд дуртай хүмүүст бүр ч илүү сайхан байна. Миний бодлоор энэ тоглоом нууцлаг обьектийн төрлийн жинхэнэ хорхойтнуудад ч таалагдах боломжтой, яагаад гэвэл нууцлаг обьект нь бараг харагдахгүй талаар тоглоомын явцыг сонирхолтой болгосон. Эцэст нь хэлэхэд хэрэв та нэг л хэвийн аймшгийн түүхүүдээс залхсан бол “Coronation Street: Mystery of the Missing Hotpot Recipe” нь сайхан өөрчлөлтийг харуулах болно. Гарцаагүй туршаад үзэх эд шүү!