Тоглоомын түүхээс харахад та мөнгө олохын тулд үйлчлүүлэгчиддээ эрүүл бус хоолоор үйлчилсээр залхаж гүйцжээ. Тиймээс та органик хоол болон ундаагаар мэргэшсэн рестароныг нээхээр шийдсэн байна. Хэрэв та түүхийг нь харж цагийн менежментийн тоглоом тоглодоггүй бол “Burger Bustle: Ellie’s Organics”-н тоглоомын өрнөл хэсэг нь тийм ч хатуу биш маш гэгээлэг болохоор таныг залхаахгүй.

Яг гол өрнөл хэсэг нь эхний цувралтай ямар ч ялгаагүй. Ихэнх тавагнууд адилхан, мөн зураглал нь ч ялгаагүй. Гэвч нэг цоо шинэ онцлог нь таныг гайхшруулах болно. Жишээлбэл, та энэ дэлхийгээр нэг тархсан рестаронуудаар тоглож болох бөгөөд рестарон болгон шинэ улсад байрлажээ. Үнэндээ тоглоомын үндсэн өрнөл нь нэг их өөрчлөгдөөгүй боловч рестароны зураг болоод чимэглэл нь цоо шинэ учраас тоглоомын уур амьсгалыг өөр болгоно. 

Мөн цагийн менежментийн тоглоомд та хангалттай мөнгөтэй байвал ажилчид хөлслөх боломж тавьсан нь үнэхээр сайхан. Аз болоход “Burger Bustle: Ellie’s Organics” тоглоомд та маш амархан ажилчин хөлсөлж, түүнд өөрийн хүссэн үүрэг даалгавараа өгөх боломжтой төдийгүй хэрвээ та тэдэнд дуртай байх юм бол тэднийг шинэ үе шатандаа татан оруулах боломжтой. Мөн маш олон тооны шагнал хожих бололцоотой боловч тэднийг нэг их чармайхгүй олж авах бас бололцоотой.

Харамсалтай нь органик гэсэн сэдэв нь тоглоомын өрнөлд ямар ч нөлөө үзүүлээгүй байна. Үүний үр дүнд “Burger Bustle: Ellie’s Organics” урьдын тоглоомныхоо гарчигнаас нэг их ялгагдах юм байхгүй. График болон дуу оруулгын талаар ямар нэг онцгойлон хэлэх зүйл байхгүй бөгөөд тэд сайн чанартай хийгджээ.

Ерөнхийдөө “Burger Bustle: Ellie’s Organics” тоглоом нь нэлээд их хэмжээний цаг хугацааг зугаатай зарцуулж болох сэтгэл татсан бүтээл юм. Амжилт хүсье!