Хэсэгхэн хугацааны өмнө алдартай “Build-a-Lot” цувралын долдугаар хэсгийг “HipSoft” компани шинэчлэн гаргажээ! Бид “Build-a-Lot: Fairy Tales” тоглоомноос юу олж авах вэ? Хамтдаа харцгаая!

Энэ удаад та магадгүй гарчгаас нь тааж байгаа байх, тоглоомын үйл явдал нь шидэт үлгэрийн оронд болох бөгөөд алдартай самар хагалагч амьтдын хотын дарга болсон, гахай тансаг шилтгээнд амьдардаг, гайхалтай малгайтай чоно таныг хөлсөлж өөрийн үслэг найзынхаа хэд хэдэн үүрийг бариулна. Үнэнийг хэлэхэд энэ сэдэв нь үнэхээр шинэлэг, бас сонгодог тоглоомынх нь хэлбэртэй сайн тохирч байна. Өнгөлөг эрвээхэйн далавчтай өхөөрдөм шидэт дагинас таны барилгачид болж ажиллах ба шидэт мод, нуга зүлгэнд барина. Өмнөх тоглоомын жижиг хүмүүсээс илүүтэй харахад зугаатай болжээ.

Ихэнх тоглоомны фон нь хүүхдүүдийн номонд байдаг дүрслэлүүдийг санагдуулж байгаа төдийгүй, зурагласан хуудаснууд нь зарим хэсэгтээ шарласан харагдана. Мэдээж хэрэг энэ нь өөрийн гэсэн сэтгэл татахуйц чанартай төдийгүй хэдэн шатаж буй байшин, цацарсан цамхаг зэргийг тодорхой хөдөлгөөн оруулсан дүрстэй хамт харснаас илүү сайхан болсон хэрэг.

Байшингуудыг сайжруулсан ч гэсэн өмнөх харагдац нь өөрчлөгдөхгүй, таны барих ёстой байншингууд нь таны төсөөлж байснаас тийм ихгүй байх юм. Нийтдээ, та Үүр, Тосгон, Эдлэн газар, Жигнэмэг, Модон байшин бас Цамхаг гэсэн зургаан амьдрах байр, мөн Дагинасын Мөөг, Шулмасны Тогоо болон Одойн Хайлуулга зэрэг гурван нийтийн байшин барих юм. Дээр дурьдсан байшин бүр тодорхой тооны орлого өгөх бөгөөд нэг, хоёр, гурван од гэсэн зэрэглэлээр байшинг сайжруулж болно. Урьд нь дурдсан шиг байшинг сайжруулах нь гаднах харагдацд нөлөөлөхгүй. Та байшингаа будаж болно, тодорхой тооны материал ашиглаж болно, мэдээж хэрэг таны цаг үнэтэй учраас дараагийн үеүүдэд ч гэсэн зарим нэг чимэглэл нэмж болох юм. Нэмж хэлэхэд тоглоомын дунд та байншингаа илбэдэх боломжтой боловч энэ нь мөн харагдацыг өөрчлөхгүй. Хүрээлэн буй орчнууд нь ч тийм их ялгаатай биш. Үнэндээ хөндий нь ой хөвчөөс фон өнгөөрөө л ялгаатай. Байшингууд нь бараг л ялгаагүй харагдах бөгөөд мод нь ч гэсэн адилхан.

Ерөнхийдөө тоглоом 65 үе, 5-н бүлэгтэй бөгөөд тэр бүхнийг давахын тулд 6 цаг юмуу түүнээс дээш шаардлагатай. Энэ нь таны амжилтын төлөө тэмцэж буй эсэхээс шалтгаална. Энгийн медалийн оронд “Build-a-Lot: Fairy Tales” тоглоомд та өнгөлөг туузны төлөө дайтах болно. Хөх тууз нь алтан медальтай адил бөгөөд энэ нь хөх өнгөөр дүрслэгдсэн тодорхой хугацааны дотор үеийг давсан хүмүүст өгөгдөнө. Таны таамаглаж байгаа шиг Ногоон Тууз нь ногоон өнгөөр дүрслэгдсэн цаг дотор үеийг дуусгасан хүнд өгөгдөнө. Хэрэв та тогтсон хугацаанд үеийг дуусгаж чадаагүй бол та юу ч авч чадахгүй. Үнэнийг хэлэхэд  “Build-a-Lot: Fairy Tales” тоглоомын тогтоосон цаг нь нэлээд өгөөмөр, тиймээс үеийг давж чадахгүй байна гэдэг бараг л боломжгүй. Гэхдээ л та Хөх Туузыг авахын тулд чадах бүхнээ харуулах хэрэгтэй болно. Эхний үеүүдэд авахад нэлээд хялбар байх боловч хоёрдугаар үеийн дунд хэсэгт бараг л авах боломжгүй мэт санагдуулах болно. Тиймээс ахих тусам өөрийн ур чадвараа улам хурцлах хэрэгтэй гэсэн үг. Тоглоомын эхэнд авсан зорилго дээрээ нэмж үе болгоны дунд хэсэг орчимд та дахин хэдэн хэдэн зорилготой болно. Мөн та луунууд гал тавьсны дараа байншигаа шатааж дуусгах ёстой болгох бөгөөд хэдийгээр та хамаг зорилгоо биелүүлсэн байсан ч нэг л байшингаа түймэрт алдсан бол үеийг дуусгаж чадахгүй болно.

Хэрэв та цагийн хязгаарлалтанд дургүй бол, магадгүй та “casual mode”-г тоглох хэрэгтэй бөгөөд үүгээр эхний бүлгийг өнгөрөхөд л бүгд нээгдэх болно. Өмнөх “storybook mode”-тэй энэ хувилбар нь нэлээд адилхан бөгөөд таван бүлэгтэй. Ялгаа нь өмнөх нь бүх үе нь цоожтой байдаг бол дараагийнх нь дуртай газар, дуртай байршлаа сонгон тоглох бололцоотой. Уг “casual mode” хувилбарт та муу санаатай лууны довтолгоонд өртөх боловч таньд цагийн хязгаарлалт байхгүй учраас таньд ямар ч шагнал байхгүй. Нэгэнт энэ үеийг дуусгасан бол цаг болоод оноо хуудсанд тэмдэглэгдэн үлдэх бөгөөд та дахин тоглох болгондоо энэ рекордоо эвдэх боломжтой.

Өрнөлийн талаар ярихад ч дургүй хүрмээр. Та байшингуудыг янз бүрийн зорилгоор, янз бүрийн газарт барих бөгөөд, бие биентэйгээ бараг ямар ч холбоогүй. Үнэндээ энэ өрнөлийг  “Build-a-Lot: Fairy Tales” тоглоомыг доош нь татсан зүйл гэж хэлж чадахгүй. Яагаад гэвэл та энэхүү барилгын ажлыг эхнээсээ дуустал нь хийсээр л байх болно. Таны хөлслөн ажиллуулагсдын ярьж буй зүйлс нь хөгжилтэй, бас ноцтой байх баг уншихад ч гэсэн сайхан. Дууны еффект нь тоглоомын уур амьсгалтай сайн тохирсон. Суурь хөгжим нь үнэхээр зүгээр боловч бага зэрэг уйтгар төрүүлэм.

Үнэндээ хэрэв та өмнөх цувралд сэтгэл хангалуун байсан бол “Build-a-Lot: Fairy Tales” тоглоом таныг гутраахгүй бөгөөд урьдах хэсгүүдтэйгээ бараг л адилхан. Хэдийгээр тоглоомын өрнөлд та хэр зэрэг дассантай нь хамааралгүйгээр долдугаар бүлэг нь таныг дэлгэцийн өмнө хэдэн цаг суулгах болно. Шинэхэн тоглогчдын хувьд бол энэ домог мэт цувралын өмнөх хэсгүүдийг тоглоогүй учир “Build-a-Lot: Fairy Tales” бол орчин үеийн барилгын тоглоомуудаас зарим нэг талаараа ялгаатай гэдгийг байнга бодож байх ёстой. Нэгдүгээрт түрээс нь хэдэн секунд дутам автоматаар цуглуулагдах бөгөөд мөнгө цуглуулахын тулд хэдэн мянган маусны даралт хийх шаардлагагүй. Хоёрдугаарт, барилгын талбар руу илгээх ажилчдын тоо ч гэсэн тогтмол байдаг. Гуравдугаарт, барилгын материалыг олж авах цорын ганц арга зам бол худалдаж авах. Эцэст нь дөрөвдүгээрт, үе шат болгонд барилга барихаас өөр зарим нэг зорилго тавигдана. Заримдаа та тодорхой тооны алт цуглуулах, тодорхой тооны барилгын материал цуглуулах, хотын харагдацыг илүү тодорхой гоёмсог болгох, гэх мэт даалгавар авна. Үүний үр дүнд маус дарахаасаа өмнө илүү удаан бодолцох хэрэгтэй болно.