Уг тоглоом нь эхнээсээ л бидний ур ухааныг шаарддаг тоглоомын нэг яах аргагүй мөн. Тоглоом сэтгэл татмаар эхлэхгүй боловч хэсэг хугацааны дараа нөхцөл байдал бүрэн өөрчлөгддөг. Тоглоомын эхний хэдэн минут нь урам хугалсан, эхлэлийн түүх нь болхи, дизайн нь сонирхол татамгүй байдаг. Тиймээс хэрэв та тэвчээргүй бол таныг дорхноо л залхаана. Зөвлөгөө санамж нь маш дорой, нууцлаг обьектууд нь маш жижиг, бас тодорхой бус байгааг мэдэх болно.

Гэхдээ, хэрэв та тэвчээртэй, хүлээцтэй тоглогч бол энэ тоглоомын хором бүрд сэтгэл хангалуун байж чадна. Маш энгийн, дорхноо ойлгогдом биш харин ч ихэнх цагтаа танийг ойлгоц, ур ухааныг урьд хожид байгаагүйгээр ажиллуулах болно. Тоглоомын эхний санамжыг бүү алгасаарай гэж бид зөвлөх байна. Хэрвээ алгасчихвал тоглоом сайн тоглоход туслах зарим техникийг мэдэхгүй болно. Та баруун доод булангаас мөрдөгчдийн нэгийг олж харна. Хэрэв түүн дээр дарах юм бол нэмэлт зөвлөгөө, санамж авах төдийгүй алгасах ч боломжтой юм. Тиймээ, оньсого таавар, жижиг тоглоомууд нь маш их ур ухаан сорино.

Түүнчлэн дэлгэцийн агшин бүр гоё хийгдсэн, өмнөх тоглоомуудад ер харж байгаагүй онцгой обьектуудыг олох боломжтой. Үүгээрээ л бусад тоглоомоос илүү ялгаатай, оргиналь болж чадсан. Бас тоглох тусам улам их сонирхол төрүүлсэн санаа, мушгиа сүлжээ их байгаа. Харин тоглоомын үргэлжлэх хугацаа болоод гэнэтийн төгсгөл нь жаахан доош нь татсан юм шиг харагддаг.

Нууцлаг обьект хайх адал явдалт энэ тоглоомын талаар тоглогчид бүгд хоёр янзын эрс тэс сэтгэгдэлтэй үлддэг нь яах аргагүй ойлгомжтой. Зарим нууц обьект олох тоглоомд дурлагчид энэ тоглоомыг тоглоод урам нь хугардаг. Зарим нь үүний ур ухаан шаардсан байдлыг хараад бүр сэтгэл нь хөдөлдөг. Таньд сонголт байна. Тоглож болно, тоглохгүй байж ч болно!