Энэ тоглоомын хамгийн сайн чанарын нэг тоглоомын явц. Энэ ганц тоглогч бүхий нууцлаг обьектийн төрлийн тоглоом нь бас адал явдлын элементүүдийг агуулж байгаа бөгөөд мэдээжийн хэрэг таны шийдвэрлэх ёстой тааврууд ч гэсэн энд бий. Энэ гайхалтай хольцыг Alchemy Mysteries: Prague Legends гэх бөгөөд олон тооны томоохон нууцлаг обьектийн үзэгдлүүд байх бөгөөд тоглоомын туршид та 18-н мини-тоглоомыг шийдвэрлэх хэрэгтэй болно! Тусламжын систем нь маш сайн. Таньд гацсан тохиолдолд туслах боломжтой. Мэдээж хэрэг та гацвал илүү хялбархан “casual” хувилбар руу нь шилжих боломжтой бөгөөд бас “expert” хувилбарыг нь ч гэсэн туршиж үзэж болно. Түүх нь маш сайн, яг л кино шиг. Маш сонирхолтой бөгөөд иймэрхүү байдалтай явагдана: Та асрамжын газар өссөн үзэсгэлэнтэй залуу эмэгтэй Евагийн дүрд орох бөгөөд эцэг эх нь ер бусын үхлээр үхсэний дараа Прагд ирнэ. Тэрээр Прагд эртний аварга том шилтгээнд ирэх бөгөөд өвлөсөн хөрөнгөө авч, гэр бүлийнхнийхээ үхлийн шалтгааныг мэдэх гэнэ. Үүний талаарх ихэнх нь маш сонирхолтой, учир битүүлэг бүр зөгнөлийн маягтай байна.

Түүх болон үйл явцын сонирхолтой талаас гадна, тоглоомын бас сайн талуудад гайхалтай график болон сайн хөгжим орно. “Alchemy Mysteries: Prague Legends” тoглоомд та нүдийг чинь гялбуулам графиктай учирч, Праг хот болон түүний гудамжнууд бүхий амьсгаа дарам үзэгдлүүдийг хараад бараг л алмайрна. Заримдаа график нь нэлээд бүдэг байж болох ч үүнийг тоглоомын уур амьсгалтай зохицуулах гэж санаатайгаар гаргасан байна. Тоглоомын дүрүүдийг мөн маш сайн хийжээ. Хөдөлгөөн нь маш сайн, ямар нэг гацаа, алдаа байхгүйгээр барахгүй та курсорынхоо дүрсийг хүртэл сонгох боломжтой юм байна. Гудамж нь хүмүүсээр дүүрэн бөгөөд ийм төрлийн тоглоомд маш ховор үзэгдэл. Үүгээр зогсохгүй бас нэг агуу давуу тал бол та өөрийн эргэн тойрноо 360 градус харах боломжтой. Энэ нь яг л Индиан Жонс мэт гайхалтай адал явдлын мэдрэмж төрүүлнэ. Графикаас гадна энэ тоглоом мөн хөгжмөөрөө бахархах боломжтой. Тоглоомын сэдэв, уур амьсгалд нь тохирсон, яг л үйл явдал, дүртэй холбоотой хөгжим. Дуу оруулга нь ч маш сайн хийгдсэн бөгөөд дууны эффектэнд нь залхаамаар ямар нэг элемент байхгүй. Хөгжмийн багц нь бүхэлдээ тоглоомондоо зохицсон жихүүцмэл уур амьсгалыг төрүүлнэ.

Бүхэлд нь хэлэхэд энэхүү нэг тоглогч бүхий нууцлаг обьект, таавар, адал явдлын төрлийн “Alchemy Mysteries: Prague Legends” тоглоомыг “NevoSoft” хөгжүүлэгчдийн багийнхан гаргасан нь гайхалтай график, айдас хүргэм хөгжим зэргээрээ таныг биеийг жихүүцүүлж, хэдэн цагийн турш гайхалтай тоглоомоор зугаацуулж, сайхан түүхийг мэдрүүлэх бөгөөд та үнэгүй тоглоом, эсвэл бүтэн хувилбарыг нь худалдаж авсан байсан ч хамаагүй бид нэг л зүйлийг тодорхой хэлж чадна. Та Праг хотын эргэн тойронд явж, учир битүүлэг зүйлсийг мэдэж, өөрийн гэр бүл, өмч хөрөнгөний талаар бүхнийг мэднэ. Яахын аргагүй хит!