Чадварлаг шидтэн галзуурчээ. Тэрээр хөдөө нутгаар тэнэж, айдаст автсан хүмүүсийг чулуу болгон хувиргаж өөрийгөө зугаацуулах гэж оролдоно. Энэ галзуурлыг зогсоох тушаал гарчээ. Шидтэний зөвлөл залуу чадварлаг алхимист таныг сонгож энэ даалгаврыг өгчээ. Та шидтэнийг мөрдөж, түүнийг зогсоох ёстой. Та бас янз бүрийн шившлэгийг зайлуулан чулуу болсон хүмүүсийг буцаан амьдруулах ёстой. Аз болоход гол дүрийн баатар маань алхимист гэсэн мэргэжилтэй. Тиймээс та энэ хүчирхэг шившлэгийг ямар нэг асуудалгүй шийдвэрлэнэ. Өөрөөр хэлбэл таны хийх ёстой зүйл бол  ур чадвараа ашиглан, шаардлагатай орцыг гаргана гэсэн үг. Таны шидэт шингэний элементүүд нь эхлээд олдох ёстой! Бусадтай л адил та эхлээд зарим нэг байршлуудад очиж, нууцлагдсан зүйлсийг анхааралтай хайна. Харамсалтай нь ямар нэг интерактив газрын зураг байхгүй. Та удаан хугацааны турш хэрэн хэсүүчлэх ёстой болсон нь өөдгүй хэрэг. Хэрвээ та замаа алдсан бол сонголт байхгүйгээр унтамхай эргийн тосгонд зугаацах ёстой. Энэхүү газар нутгийн талбар яг л зураг мэт гэдгийг бид хэлэх ёстой! Бусад газар нутаг нь ч ялгаагүй. Жишээлбэл таны тоглоомоо эхлэх ёстой байршил нь үнэхээр шоконд оруулмаар! Таньд илүү тайлбарлаж тоглоомын мэдрэмжийг тань утгагүй болгомооргүй байгаа учраас та өөрөө туршиж үзсэн нь дээр. “A Wizard’s Curse” нь хайж олох маягийн стандарт тоглоомын явцтай. Дээрээс нь адал явдал нэмэгдсэн бөгөөд цөөхөн даалгавараас өөр онцгой гайхалтай зүйл байхгүй. Тааврын хувьд бол нэлээд хэцүү. Бүр мэргэжлийн тоглогчид хүртэл толгойгоо гашилгаж байж эдгээр оньсогуудыг нь таадаг. Гэвч хэрэв та мухардсан бол алгасах товчлуур дарж дараагийн үед нь орох боломжтой. Хэн ч таныг буруутгахгүй. Та зугаацах гэж л тоглож байгаа гэдгээ санаарай.

Бидний аль хэдийн хэлсэн шиг зураглал нь гайхалтай. Дизайн нь үнэхээр үзэсгэлэнтэй! Нүдийг тань баясгана. Байршил нь өнгөлөг, амьд мэт, сайн нарийвчлалтай. Нарийивчлал бараг л төгс мэт. Сүүдэр, гэрэл, харанхуй зэрэг нь яг л зөв газартаа байх бөгөөд гайхалтай уур амьсгалыг бүрдүүлнэ. Тиймээс график нь таньд удаан үргэлжлэх мэдрэмжийг төрүүлнэ. Эсрэгээр нь дууны эффектийн талаар бидэнд нэг их хэлээд байх юм байхгүй. Хүүрнэж буй мэт дуу оруулга байх бөгөөд гол дүрийг үүгээр дүрсэлнэ. Хөгжим нь тохиромжтой бөгөд “арын суудалд” байгаа мэт л мэдрэмж төрүүлнэ.

Дүгнэж хэлэхээр аялалынхаа эхэнд очьё. Энд зугаалга гэх үг нь түлхүүр үг болно. Үүнийг бид аялал гэхээсээ илүү яагаад зугаалга гэх болов? Хариулт нь энгийн. Тоглоом бүхэлдээ маш богино. Тиймээс жижигхэн зугаалгатай харьцуулж болох юм. Хэрвээ арай жаахан удаан үргэлжилсэн бол! Ямар ч байсан, битгий уурлаарай! Зугаалга гайхалтай байж болохгүй гэж хэн хэлэхийн?